San Mateo 11:11 - Manityanati Tupax

¹¹ Ñemanauntu sukanañɨ aume, axɨpekukimia namanaiña mañoñɨnka, champɨti iyebo uiti takana niyarusɨrɨkɨxti Kuan. Saneityo, axti naki simiamati au nɨriakaxti Tupax taruku nisunaunxti pɨnanakiti.

Manitanati Tuparrü

¹¹ Ñemanauncurratoe sucanañü aume —nanti Jesús ümo genterrü—, icu na cürrü champü tanati naqui manrrü nüriacarrti pünanaquiti Juan Bautista. Pero auna cauta üriabucati Tuparrü, arrti naqui chitonempatai ane manrrü nüriacarrti pünanaquiti Juan.

San Mateo 11:11 Cross References

San Mateo 11:10

Tyonenti Kuan naki kɨtɨpɨche nantɨ sane Nikorox: ‘Ikɨpukati tanu naki uiche uraboiti akɨmenukɨ, aikoñokoti aemo kutubiux.’

San Mateo 11:12

“Aukiapae naukiche aiñanainti Kuan Bautixhta ichepe kaɨma axɨna iñataityo nɨriakax auki napes takisɨrɨ oboi axɨba chɨtamampatai, axɨbama ane nɨriakaxɨma iku axɨna kɨx xhanxɨma aityochenakama nauki atakɨru aɨbu.

San Mateo 3:1

Au axɨmanio naneneka tɨkañe anankati Kuan Bautixhta kauta champɨ sɨborikixh au Judea.

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

San Mateo 5:19

Sane naukiche, axti naki chikokotatipɨ axɨmanio bakɨpukux, champɨ nɨmoche axtɨ axɨna simiamantai ubuturuki axɨmanu bakɨpukux, chɨmanunekanatipityo ɨmo makiataka aikokoma, tyonenti ñana naki simiamantiatai au napes. Tapɨti naki ikokotati manunekanatityo ɨmo makiataka aikokoma, tyonenti ñana naki yarusɨrɨxti au napes.

San Lucas 1:15

tyopiki axti aɨ'ɨ yarusɨrɨxti ñana kutakikiboti Yɨriabux. Chichabotipɨ ñana vino chichabotipityo nabariente, anati ñana Espíritu Santo kɨtɨpɨti aukiapae maɨbo anatiki kɨtɨpɨ nipiakɨtoti.

San Lucas 7:28

Sukanañɨ aume, axɨpekukimia namanaiña mañoñɨnka, champɨti iyebo uiti takana niyarusɨrɨkɨxti Kuan. Saneityo, naki simiamati au nɨriakaxti Tupax taruku nisunaunxti pɨnanakiti.”

San Lucas 9:48

nanti ɨmoma: –Axti naki yasuriuruti naki simia au nisɨri, iñemo yasuriurutiñɨ. Naki yasuriurutiñɨ, yasuriurutityo naki uiche aikɨpurutiñɨ. Sane naukiche, axti naki champɨtiatai asaratɨ ɨmoti abaxɨpekuki, tyonenti naki taruku nɨriakaxti.

San Juan 1:15

Axti Kuan urapoiti nɨrixhti, nanti sane: “Tyonenti naki kɨtɨpɨche naukiche sukanañɨ anati naki kuatiki xhopɨrɨkɨñɨ taruku niyarusɨrɨkɨxti, ityopiki kusɨrɨboti anankati xhopɨnanakiñɨ.”

San Juan 1:27

kuatatiki atokoti ichoboñɨ. Axɨñɨ chɨkoñopɨtɨ iñemo isokisɨna nityomoento nipopetakixhti.

San Juan 10:41

Sɨrɨmanama yebomatɨ asaramati, namatɨ: –Axti Kuan tɨkañe chɨmasamunutipɨ axɨba champɨ tu bastai, nanaiña axɨna nanti tɨkañe kɨtɨpɨti naki ñoñɨnx ta ñemanauntu.

San Juan 3:30

Axti sɨrotɨ ape niriakaxti, tapɨ axɨñɨ niyɨkɨ tato akɨ.

San Juan 5:35

Axti Kuan tyonenti takana basarux kuara uixh, axaño auxianka anentax aume ui nibiasaruxti ñome mantukubatai naneneka.

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

1 Corintios 15:9

Axɨñɨ simiamañɨantai axɨpekuma axɨbama apóstoles, chɨkoñopɨtɨ iñemo sane nisɨri takana axɨmanuma makiataka, tyopiki tɨkañe ikuneunkama axɨbama ikokoromati Jesús.

1 Corintios 6:4

Axtɨ axaño ane chɨrɨri aboi au axɨna nausɨboriki naneneka, ¿kausane apiñanama nauki asaraimia axɨbama champɨ nanenekichema oemo?

Efesios 2:3

Sane tɨkañe nosɨboriki namanaiña axoñɨ, uɨkatɨ yusiu axɨba chomixhampɨ nixhantɨmo nokɨtɨpɨ takanaintyo numapanaunku. Tyopiki axɨna sane, koñopɨtɨ oemo basuriu nutakisɨrɨkɨ uiti Tupax, takana namanaiña makiataka.

Efesios 3:8

Axɨñɨ simiamañɨantai pɨnanaki namanaiña axɨbama ikokoromati Tupax. Samamekanañɨ uiti nauki suraboi sukarɨma axɨbama chɨtɨpɨ judíos axɨba omixhia manityakax axɨna ñakunusɨankakaxti Cristo, axɨba champɨti uiche aipiakɨmunkuti.

2 Timoteo 1:10

Axɨmanu nipukɨruxti utaku tusiankana axɨna niyarusɨrɨkɨx kaɨma uiti Cristo Jesús naki uiche utaesɨbuka eanaki nomɨnantɨ, naki uiche aikiaɨbuti konkox oboityo axɨba omixhia manityakax, sɨro uiti au nanentax axɨna sɨborikixh chɨtakɨnunaumpɨ.

Hebreos 11:40

Tyopiki axti Tupax ane tɨkañe axɨmanu uxiampae nixhantɨmoti aisamunenti usaɨbu, nauki axoñɨntyo basuriu axɨmanu ensɨmunu uiti tɨkañe. Nauki axɨma ñana uxia nakaxɨma au nastaxti Tupax ochepe.

1 Pedro 1:10

Axɨbama profetas tɨkañe astaimia nuxia nanaiña kɨtɨpɨ axɨmanu maximiakatax, urapoimiaintyo kɨtɨpɨ axɨmanu toxiobo ñana aume uiti Tupax aɨbu nipukɨruxti.