San Mateo 10:22 - Manityanati Tupax

²² Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

Manitanati Tuparrü

²² Namanaiñantai tüboricoma aume auqui niyaca. Pero arrti naqui chübatachebopü ñacoconauncurrti iñemo, tonenti naqui iyebo uiti ñana esati Tuparrü au napese.

San Mateo 10:22 Cross References

San Mateo 10:39

Axti naki kuasɨrɨ ɨmoti nisɨborikixhti, ensoro pɨnanakiti, tapɨti naki ensoro nisɨborikixhti auki niyaka, iyebo ñana uiti.

San Mateo 24:13

Tapɨti naki iñatati nuxia chepe nityakɨrux, añekanati ui nikonkoxti.

San Mateo 24:9

“Auki iñamanamapo año ñana, ameketɨ ñana uimia esa mayɨriabuka nauki autakisɨrɨka uimia. Ityabairoma año, namanaiñantai ñana ikuki axɨna kɨx champɨti uxia uiti aume auki niyaka.

San Mateo 5:11

“Taikiana chiyaupɨ naupukɨnunku axaño, axtɨ makiataka unuma año axtɨtyo autakisɨrɨka uimia, axtɨ ichopikiñɨ chiyaupɨ ñapantuxɨma aukɨtɨpɨ.

San Marcos 13:13

Namanañantai ñana tɨborikoma aume ichopikiñɨ. Tapɨti naki chɨtapenekotipɨ ichepe nityakɨrux, iyebo uiti champɨ nityakɨru nisɨborikixhti.

San Lucas 21:17

namanaiña ikuki axɨna kɨx taruku ñana nityɨborixhimia aume ichopikiñɨ.

San Lucas 21:19

¡Apiña nuxia narukux aume, nauki tapɨ autapeneka!

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

San Lucas 8:15

Tapɨ axɨmanu sɨrobo kɨtu pakio au axɨna uxia kɨx, tyonema axɨbama uxia nausasɨxɨma xhanxɨma onkoimia isamutema isiuki axɨba omixhia manityakax, sɨsioma aɨbu ñakokonaunkuxɨma, isamutema axɨba omixhia.

San Juan 17:14

Chauki tɨsurapoi sukarɨma axɨmanio omixhia nanityaka, tapɨ axɨbama ikuki axɨna kɨx chuxiampɨ uimia ɨmoma ityopiki axɨma chityonempɨma ikuki axɨna kɨx.

San Juan 7:7

Axɨbama ikuki axɨna kɨx champɨ tyakuche atɨborimia aukuata. Tapɨ suatañɨ tɨborikomantai, ityopiki axɨñɨ ityusiankata sukarɨma nanaiña axɨna chuxiampɨ nisɨborikixhimia.

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

2 Corintios 4:11

Tyopiki axɨsomɨ axɨna suisɨborikiaiki aneantai suisonko suisiu auki nakaxti Cristo, nauki axɨna nisɨborikixhti atusianka kɨtɨpɨ suisɨtɨpɨ axɨna koiñobo.

Gálatas 6:9

Tapɨ ubata oemo uisamune axɨna uxia. Tyopiki axtɨ chubatapɨ oemo, iñatai axɨmanu nanenes auche ñana bapakɨtauka.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

Hebreos 6:11

Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

Santiago 1:12

Taruku ñana nipukɨnunkuxti naki ñoñɨnx axtɨ aruku nuxia ɨmoti ñome makokotoka, tyopiki axtɨ uxia nisɨborikixhti au nastaxti Tupax, toxio ñana isɨborikiboti axɨna champɨ nityakɨrux axɨna ɨriotɨ uiti ɨmoma axɨbama manaunuma ɨmoti.

1 Juan 3:13

Masarukityaiki, tapɨ aukɨtobɨka, axtɨ tɨborikomantai aukuata axɨbama ikuki axɨna kɨx.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 2:17

¡Axti naki ane uiche onsapeti, tari onsaperati axɨna nuraxti Espíritu Santo ɨmoma axɨbama ikokoromañɨ! Axɨbama chɨtapenekopɨma ñana basoma ñana maná sobi axɨmanu ane anekana. Toxioityo ñana sobi ɨmoma kanx purusubi, axɨna kauta ane korobo taman iyebo ɨrixh, axɨna champɨti isuputakaiti ta kunauntañati naki ɨmoche atoxi.’

Apocalipsis 2:26

Axti naki chɨtapenekotipɨ axtɨ aɨburu uiti axɨna nixhakɨpuku chepe nityakɨrux ñana, toxio sobi ɨriakaboti ɨmoma namanaiña axɨbama ikuki axɨna kɨx,

Apocalipsis 2:3

Aruku nuxia nantax aemo, taruku natakisɨrɨkɨ auki niyaka, ta chubatapɨ aemo.

Apocalipsis 2:7

¡Axti naki ane uiche onsapeti, tari onsaperati axɨna nuraxti Espíritu Santo ɨmo namanaiña axɨbama ikokoromañɨ! Ɨmoma axɨbama chɨtapenekopɨma oboi makokotoka chiñokotapɨmaintyo ñakokonaunkuxɨma iñemo, basoma sobi nɨta axɨmanu soes bachebo sɨborikixh, axɨna ane au Paraíso esati Tupax.’

Apocalipsis 3:21

Axɨbama chɨtapenekopɨma aboma ñana chepeñɨ kauta niyaka aɨbu nisɨriaka, sane takana axɨñɨ chichapenekapɨ auki ichɨmoka chepeti Iyaɨ kauta nityɨmo nɨriakaxti.