San Mateo 1:20 - Manityanati Tupax

²⁰ Tɨniyɨkɨx aisamunenti sane, tamanti ángel auki napes ityusiankanatiyɨ sukarɨti auki ñanukuxti nanti ɨmoti: “Kiosen, nityakɨbaɨtuxti David, tapɨ aixhuka asuriu Mariax ɨmo nakɨposɨ, tyopiki axti maniki simia anati kɨtɨpɨ, ta auki noñemaxti Espíritu Santo.

Manitanati Tuparrü

²⁰ Numo anancati ñapensatioti arrüna sane, tamanti ángel auqui napese itusiancanatiyü isucarüti au niposiquirrti, nanti ümoti: —José, arrücü auqui nesarrti familiarrü David, tapü airruca asuriu Mariarrü acüposübocü, itopiqui arrti maniqui aürrü anati icütüpü, ta ui noñemarrti Espíritu Santo.

San Mateo 1:20 Cross References

San Mateo 1:18

Axɨna naukiche anati iku kɨx Jesucristo ta sane: Mariax nipiakɨtoti tiyasutiu nuraxti Kiosen nauki apo aɨbuti. Naukiche chɨchepekipɨ nakaxɨma, tɨtanati kɨtɨpɨ ipiaɨmakax auki noñemaxti Espíritu Santo.

San Mateo 2:12

Auki ñanukuxɨma urapoiti Tupax sukarɨma, tapɨ basɨkɨbɨkoma tato esakiti Herodes, tari yɨrakamatɨ tato au nikɨxɨma isiuki kiatax kutubiux.

San Mateo 2:13

Naukiche tɨsɨromatɨ tato axɨmanuma taruku ñapanaunkuxɨma, tamanti ángel auki napes ityusiankanatiyɨ sukarɨti Kiosen auki ñanukuxti, nanti sane ɨmoti: “Atɨsai, aikiasti maniki simia ichepe nipiakɨtoti, aesɨbu aɨbuti au Egipto. Asikia akamanu sobi suraboi asukarɨkɨ, ityopiki axti Herodes yapacherioroti taunainki naki simia nauki aityabairoti.”

San Mateo 2:19

Naukiche tɨkoiñoti Herodes, tamanti ángel auki napes ityusiankanatiyɨ sukarɨti Kiosen auki ñanukuxti, au Egipto, nanti ɨmoti:

San Mateo 2:22

Naukiche ipiatenti ta yɨriabuxti Arquelao au Judea ityoboti Herodes naki yaɨtoti, bixhubuti aɨrotitɨ ta'a. Naukiche tɨtusiu ɨmoti uiti Tupax auki niñanukuxti, sɨrotitɨ au Galilea.

San Mateo 27:19

Naukiche anankatiki Pilato tɨmonsoti kauta nityɨmo mayɨriabuka, nikɨpostoti bakɨpuru nauki namatɨ ɨmoti: “Tapɨ asikia kuata axɨmanu noñɨnx uxia nisɨborikixh, tyopiki nɨtoba iposikia chuxiampatai auki nakax.”

San Mateo 28:5

Nanti maniki ángel ñome axɨmanio paɨka: –Tapɨ aupixhuka. Tusiu iñemo apapacheka iyoti Jesús, axti maniki takubaxioti kɨtɨpɨ kurusɨx.

San Lucas 1:19

Axti ángel aiñumuti: –Axɨñɨ nisɨri Gabriel, yaka ɨmo yakɨpukuxti Tupax. Tyonenti naki uiche aikɨpurutiñɨ isetɨ xhanitya aɨbukɨ nauki suraboi asukarɨkɨ axɨba omixhia manityakax.

San Lucas 2:4

Sane naukiche, axti Kiosen sɨrotitɨ auki axɨmanu tube Nazaret, ane au axɨmanu kɨx Galilea, sɨrotitɨ au Belén, nesa Judea, kauta anati tɨkañe iku kɨx yɨriabux David, tyopiki axti Kiosen tyonenti nityakɨbaɨtuxti David.

Hechos 5:19

Tamanti ángel yakɨpukuxti Yɨriabux, ubaurɨbo uiti tyuruka axɨmanu kauta amonkoma amanamampo, auki taesɨburuma uiti, nanti sane ɨmoma:

Apocalipsis 19:7

Upukɨnuna, yarusɨrɨx nupukɨnunku yarusɨrɨxtyo nɨrixhti osoi, tyopiki iñatai axɨna nanenes ɨmo nityɨbɨbɨ axɨmanu Nobixhax. Axɨmanu nikɨpostoti tɨkoñokono: