San Lucas 7:6 - Manityanati Tupax

⁶ Sɨrotitɨ Jesús ichepema, naukiche tɨtaboma saimia axɨmanu pox, maniki yɨriabux bakɨpuruti ɨmo axɨmanuma tyurapataxti nauki uraboimia sukarɨti: “Axɨkɨ Yɨriabux, tapɨ ɨnantɨ aemo, tyopiki axɨñɨ chɨkoñopɨtɨ iñemo ayetɨpo au nipo.

Manitanati Tuparrü

⁶ Auqui arrti Jesús sürotitü isiuma. Pero nauquiche tütaboma saimia niporrti capitán, arrti capitán bacüpuruti ümo bama nesarrti amigorrü, nauqui uraboimia isucarüti Jesús arrüna sane: —Nanti capitán sane: Señor, arrüñü champü isane niyaca nauqui aerotü au nipo.

San Lucas 7:6 Cross References

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

San Mateo 3:11

Axɨñɨ, ñemanauntu, xhaunimiaka aume ui tuxtai, sane ityasukaño nauki abetɨ tato esati Tupax. Tapɨti naki kuatatiki isiuñɨ maunimianati ñana aume uiti Espíritu Santo uityo pes. Taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ikianio ape nipopetakixhti.

San Marcos 5:24

Axti Jesús sɨrotitɨ ichepeti, sɨrɨmanama sɨromatityo isiuti ityaiñakanamakɨ tyupekuti.

San Lucas 5:8

Naukiche astaiti Simón Peru axɨna sane, bachesoiyoti esati Jesús nanti ɨmoti: –¡Akicho yesakiñɨ, Yɨriabux, ityopiki taruku nomɨnantɨ sobi!

San Lucas 7:4

Axɨma yebomatɨ esati Jesús anityama ɨmoti asamuti nuxia, namatɨ: –Axti naki yɨriabux uxia nisɨborikixhti asamu nuxia ɨmoti,

San Lucas 7:5

tyopiki kuasɨrɨ ɨmoti axɨna nokɨ'ɨ uitityo aisamunenti suiñemo axɨna sinagoga.

San Lucas 7:7

Sane naukiche, chɨsobiatoipɨ yɨrotanu yapacheriorɨ. Akɨpuatai nauki uxianati tato naki isumanaka.

San Lucas 8:49

Anankatiki Jesús manityanati, aiñanainti taman uraboiti sukarɨti maniki yɨriabux au sinagoga: –Natakiumuku tɨkoiño. Tapɨ asikiaiki kuatati Maestro.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Santiago 4:10

Apiñoxonkosaño sukarɨti Tupax, sane ane toxiobo uiti aume.

Santiago 4:6

Ñemanaunkuxatoe, axti Tupax taruku nukuasɨrɨkɨ ɨmoti. Sane takana nantɨ iku Nikorox: “Axti Tupax chuxiampɨ ɨmoti axɨbama au ñakionkoxɨma champɨti kiatax pɨrɨkɨma, tapɨ axɨbama takisɨrɨma pukɨrusuti tyakuma.”