San Lucas 7:13 - Manityanati Tupax

¹³ Naukiche asaratitɨ Yɨriabux ɨmo, pukɨrusuti tyaku nanti ɨmo: –Tapɨ areoka.

Manitanati Tuparrü

¹³ Nauquiche asaratitü Señor ümo nipiacütoti, taquisürü ümoti. Nanti ümo: —Tapü areoca.

San Lucas 7:13 Cross References

San Marcos 8:2

–Takisɨrɨmantai iñemo axɨbama aboma auna, tɨtabe trex naneneka nakaxɨma auna ichepeñɨ champɨ uimia utuburiboma.

San Lucas 10:1

Yopɨrɨkɨ nanaiña axɨna sane, axti Yɨriabux bapacherotityo makiataka setenta y dos nububikixhimia, bakɨpuruti ɨmoma taikiana toxɨma akusɨrɨma kɨmenuti, au nanaiña axɨmanio tube kauta xhanxti aɨrotitɨ.

San Lucas 11:1

Taman nanenes, anankati Jesús meaboti itya kanx. Naukiche tɨchauki neankaxti, tamanti axɨpekukimia axɨmanuma nesaxti apóstoles nanti ɨmoti: –Axɨkɨ Yɨriabux, anuneka suiñemo somea, takanati Kuan manunekanati tɨkañe ɨmo axɨmanuma amonkoma isiuti.

San Lucas 11:39

Tapɨti Yɨriabux nanti ɨmoti: –Axaño axɨbama fariseos apiyaxɨbita aukiatai kɨtɨpɨki axɨna nauchapo axɨnaintyo aukiche aubaka, tapɨ aukipo axaño takutɨx aboi axɨna iyebo auki napasɨpɨkɨ axɨnaintyo chuxiampɨ nausɨboriki.

San Lucas 12:42

Nanti Yɨriabux: “¿Ñakuti naki kiapatax taruku ñakokonaunkuxti astayotitɨ nuxia, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki acheti utuburiboma naneneka?

San Lucas 13:15

Nanti Yɨriabux ɨmoti: –Axaño axɨbama chapisamutempɨ axɨna amukanaño, ¿ensapɨ chapityakisɨnatapɨ naupabu numukianx au axɨna nanenes sabaru, amenotɨ aɨbu nauki apichama tux?

San Lucas 17:5

Axɨmanuma amonkoma isiuti Jesús mankioma pɨnanakiti: –Ache uɨbo axɨna sopikokota.

San Lucas 17:6

Aiñumuti Yɨriabux nuraxɨma: –Axtɨ apikokotapɨ, simiantai takana nityabaiki taman niyo mostaza, amukanañopɨ ɨmo axɨna soes: ‘Aikiaɨbusɨ aukina akosi atɨrai kɨmuintya narubaityu tux’, tyone ikokotapɨ napakɨpuku.

San Lucas 18:6

Nantityo Yɨriabux: “Sane nuraxti maniki yɨriabux chuxiampɨ nisɨborikixhti.

San Lucas 19:8

Atɨraiti Zaqueo nanti ɨmoti Yɨriabux: –Asasatɨ, Yɨriabux, ixhanka ityoximia kɨmuintya aruki nanaiña niñenaxi ɨmo axɨbama taruku nityakisɨrɨkɨxɨma. Axtɨ ane isusɨpɨtio pɨnanakiti kiatax, yacheka tato ɨmoti cuatro yopɨrɨkɨ.

San Lucas 22:61

Auki basɨkɨbɨkoti tato Yɨriabux asaratitɨ ɨmoti Peru, akamanu akionotiyɨ Peru axɨmanu nanti Yɨriabux ɨmoti: “Kaɨma, kɨmenu nipuku po'ox, trex urapakai ta chasuputakapɨñɨ.”

San Lucas 24:3

Auki omenotɨpo, chɨtabɨkopɨ oboi nikɨtɨpɨxti Yɨriabux Jesús.

San Lucas 24:34

auki namatɨ ɨmoma: –Ñemanauntu sɨborikoti tato Jesús, ityusiankanatiyɨ sukarɨti Simón.

San Lucas 7:12

Naukiche tɨtanati saimia axɨmanu tube, asaratitɨ ɨmoma niyɨkɨxɨma aɨbuti maniki koiño aiñanamati kɨtu, kunauntañatiatai aɨto nipiakɨtoti, axɨmanu biurax. Sɨrɨmanama auki axɨmanu tube sɨromatɨ ichepe.

San Lucas 7:14

Isiukai aɨrotitɨ esati aiñenti nikɨruxti, axɨmanuma uiche aikiama tochenkoma. Nanti Jesús ɨmoti maniki koiño: –Naki yaɨx, sukanañɨ aemo: ¡Atɨsai!

San Lucas 7:19

bakɨpuruti ɨmoma aɨromatɨ esati Yɨriabux, ankirioma pɨnanakiti axtɨ ñemanauntu tyonenti naki kuabotɨ o kuatatiki kiatax.

San Lucas 8:52

Namanaiña amonkoma areoroma ui nisuchekixhimia tyaku, tapɨti Jesús nanti ɨmoma: –Tapɨ abareoka. Axɨna kupikimia chɨkoiñopɨ, ane manumu.

San Juan 11:2

Axɨmanu Mariax tyone nikiastyoti Lázaro tyoneintyo axɨmanu iyarapata axɨmanu uxiantai norixh yokɨtɨpɨ nipopesti Jesús auki iñuɨmamakata oboi nityanux.

San Juan 11:3

Sane Naukiche, axɨmanio tox nikiastyoti pakɨpuru aburaboi sukarɨti Jesús: –Axɨkɨ Nɨriabux, maunxokono naturapa.

San Juan 20:13

Axɨmanuma ángeles ñankitioma pɨnanaki: –Axɨkɨ paɨx, ¿kausane areorakakɨ? Tyone aiñumu nuraxɨma: –Tyopiki sɨrotɨ oboi nikɨtɨpɨ Nɨriabux iñemo, chɨtusiupɨ iñemo kauta opiñata.

San Juan 20:15

Ñankitioti Jesús pɨnanaki: –Axɨkɨ paɨx, ¿kausane areo? ¿Ñakuti iyoche napacheki? Tyone ñakionkox ananka bapario aɨbuti maniki asaratitɨ tyaku axɨmanu ñanaunx, nantɨ ɨmoti: –Axtɨ obi aikia aukina, urasoi sukarɨñɨ kauta nakax obi, nauki yɨrotɨ yapacherio.

San Juan 4:1

Axɨmanuma fariseos ipiatema sɨrɨmanama axɨbama sɨromatɨ isiuti Jesús sɨrɨmanamaintyo axɨbama ɨrioma uiti pɨnanakiti Kuan

San Juan 6:23

Auki opiñatai pikiataka canoa auki axɨmanio poka Tiberias saimia axɨmanu kauta amonkoma basoma axɨmanio pan naukiche axti Yɨriabux machampienkanati.

1 Corintios 7:30

Axɨbama oxonx ɨmoma tari aisamunema takana axtɨ taruku nipukɨnunkuxɨma, tapɨ axɨbama taruku nipukɨnunkuxɨma tari aisamunema takana axtɨ taruku nisuchekixhimia. Tapɨ axɨbama abe nenaxixhimia tari aisamunema takana axtɨ champɨ nenaxixhimia.

1 Tesalonicenses 4:13

Masarukityaiki, suixhanka atusi nuxia aume kausane ñana aɨbuma axɨbama tɨkoiñoma, nauki tapɨ ausucheka isiuma, takana makiataka axɨbama champɨ kɨmenuche axɨperama.

Hebreos 2:17

Ɨmo axɨna sane isamunutiyɨ takana nakaxɨma axɨbama yarukityoxti iku axɨna kɨx, sane aye uiti yɨriabuxti ɨmoma axɨbama sacerdotes aɨbu ñakokonaunkuxti aɨbuityo nipukɨruxti au yaserebikixhti ɨmoti Tupax, nauki ane maximikatax uiti ɨmoma axɨbama ikokoromati Tupax.

Hebreos 4:15

Tyopiki axti maniki Yɨriabux sacerdote oemo pukɨrusuti utaku tyopiki charukupɨ oemo, tyopiki omenointyo ɨmoti axɨmanio makokotoka omeno oemo. Ta axti Jesús chisamutentipɨ axɨba nomɨnantɨ.