San Lucas 6:22 - Manityanati Tupax

²² Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

Manitanati Tuparrü

²² ‛Urriampae ito nabaca arrtü unuma año bama macrirrtianuca auqui niyaca y arrtü ipenenoma año arrüpecuquimia, o arrtü uratoquioma aume, o churriampü ümoma arrtü oncoimia nabüri. Urriampae nabaca, arrtü isamutema arrüna sane aume auqui niyaca, arrüñü Ñemanauncurratoe Ñoñünrrü.

San Lucas 6:22 Cross References

San Mateo 10:18

ikianamaintyo ñana esa axɨbama chiyaupɨ nɨriakaxɨma ichopikiñɨ. Sane apityusianka sukarɨma ta yaka auchepe sukarɨmaintyo axɨbama chɨriopɨma.

San Mateo 10:22

Namanaiñantai tɨborikoma ñana aume auki niyaka. Naki chɨbatachebopɨ aɨbu ñakokonaunkuxti ichepe nityakɨrux, tyonenti naki iyebo ñana uiti isɨborikiboti.

San Mateo 10:39

Axti naki kuasɨrɨ ɨmoti nisɨborikixhti, ensoro pɨnanakiti, tapɨti naki ensoro nisɨborikixhti auki niyaka, iyebo ñana uiti.

San Lucas 20:15

Sane naukiche aikiaɨburumati aukimanu ñanaunx aityabairomati. “¿Kausane yachɨkoiti au napakionko maniki esache axɨmanu ñanaunx?

San Lucas 21:17

namanaiña ikuki axɨna kɨx taruku ñana nityɨborixhimia aume ichopikiñɨ.

San Lucas 6:21

“Taikiana chiyaupɨ naupukɨnunku axaño axɨbama kaɨma champɨ amutuburibo, tyopiki chiyaupɨ ñana amutuburibo. “Taikiana chiyaupɨ naupukɨnunku axɨbama kaɨma areoroma, ityopiki apiyaka ñana.

San Juan 12:42

Sɨrɨmanama axɨmanuma judíos ikokoromati Jesús, axɨpekukimiaintyo axɨmanuma ɨriatuxɨma. Axɨma churapoipɨma sukarɨ makiataka ui nixhukuxɨma ñɨnana axɨmanuma fariseos, tapɨ penokoma uimia auki sinagoga.

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

San Juan 17:14

Chauki tɨsurapoi sukarɨma axɨmanio omixhia nanityaka, tapɨ axɨbama ikuki axɨna kɨx chuxiampɨ uimia ɨmoma ityopiki axɨma chityonempɨma ikuki axɨna kɨx.

San Juan 7:7

Axɨbama ikuki axɨna kɨx champɨ tyakuche atɨborimia aukuata. Tapɨ suatañɨ tɨborikomantai, ityopiki axɨñɨ ityusiankata sukarɨma nanaiña axɨna chuxiampɨ nisɨborikixhimia.

San Juan 9:34

Auki namatɨ ɨmoti: –Axɨkɨ, aka iku kɨx yupu nomɨnantɨ akɨtɨpɨkɨ, ¿axianka anuneka suiñemo? Auki aipenenomati tyɨrɨpo auki axɨmanu sinagoga.

Hechos 22:22

Tyoneantai axɨna onsapetioma nuraxti. Auki tosibikoma tatityo, namatɨ: “¡Axti maniki ñoñɨnx chɨkoñopɨtɨ ɨmoti asɨboriti! ¡Aikiaɨbusuti ikuki axɨna kɨx!”

Hechos 24:5

Tabɨkoti soboi naki ñoñɨnx taruku nikumakaxti, au nanaiñantai axɨpekuma axɨbama judíos tɨborikomantai ɨmomantoe auki nakaxti, tyonenti ɨriatuxɨma axɨmanuma nazarenos.

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

Santiago 1:12

Taruku ñana nipukɨnunkuxti naki ñoñɨnx axtɨ aruku nuxia ɨmoti ñome makokotoka, tyopiki axtɨ uxia nisɨborikixhti au nastaxti Tupax, toxio ñana isɨborikiboti axɨna champɨ nityakɨrux axɨna ɨriotɨ uiti ɨmoma axɨbama manaunuma ɨmoti.

1 Pedro 3:14

Axtɨ apisamute axɨna uxia, tyaku ane manityomokotox aume, aukurusɨka ñana uiti Tupax. Tapɨ aupixhuka ñɨnanama, tapɨ aukɨtobɨkaityo.