San Lucas 24:25 - Manityanati Tupax

²⁵ Auki nanti Jesús ɨmoma: –¡Tarukapae champɨ iyebo aboi masamuñampae apikoko nanaiña axɨna urapoimia tɨkañe axɨbama profetas!

Manitanati Tuparrü

²⁵ Auqui nanti Jesús ümoma: —¿Causanempü chüpuerurrüpü apicoco arrüna turapoimiacaü bama profetarrü. Canapae tairri nautanu.

San Lucas 24:25 Cross References

San Mateo 26:24

Axti Aɨtoxti ñoñɨnx sɨrotitɨki isiuki axɨmanu kutubiux takana axɨmanio nantɨ iku Nikorox. ¡Takisɨrɨtiatai ñana axti naki uiche aityoximianati! Uxiampɨ tɨkañe axtɨ chɨkuatatipɨ iku axɨna kɨx.

San Marcos 16:14

Ta'aiki pariu ityusiankanatiyɨ Jesús isukarɨ axɨmanuma once nesaxti apóstoles, amonkoma tɨmonsoma basoma. Akamanu kuasoma uiti ityopiki chikokotapɨma tyakuityo nityai nausasɨxɨma, ui axɨna chikokotapɨma nuraxɨma axɨbama ityusiankanatiyɨ isukarɨma, ta sɨborikoti tato.

San Marcos 7:18

Nanti ɨmoma: –¿Axañointyo chiyebopɨ aboi? ¿Chɨtusiupɨ aume axɨna sɨro kɨtɨpɨti ñoñɨnx auki tyɨrɨpo chityonempɨ axɨna uiche aɨroti au nomɨnantɨ,

San Marcos 9:19

Aiñumuti Jesús: –¡Axaño mañoñɨnka champɨ napakokonaunku! ¿Auchepɨpae iñokonaño apanauntaka? ¿Auchepɨ ñana aye aboi? Apikiasti tauna maniki ñaɨma.

San Lucas 24:24

Subaxɨpekuki axɨbama amonkoma suichepe yebomatɨ au axɨmanu nikɨxti tabɨko uimia sane takana axɨna monantɨ axɨmanio paɨka, tapɨti Jesús chasaramatipɨ.

San Juan 5:39

Axaño taruku niyekixh aboi Nikorox, ityopiki au napakionko uixh iyebo aboi ausɨborikibo au napes. Chɨsanempɨ, axɨmanio Nikorox panityana sɨtɨpɨñɨ,

1 Corintios 15:3

Kusɨrɨbo iñununekanaño axɨna urapoimia tɨkañe sukarɨñɨ, axti Cristo koiñoti nauki ane maximiakatax tato yotopiki axɨba nomɨnantɨ osoi, sane nantɨ iku Nikorox,