San Lucas 22:22 - Manityanati Tupax

²² Axti naki Aɨtoxti ñoñɨnx sɨrotitɨki isiu axɨmanu kutubiux samamekana ɨmoti, ¡takisɨrɨtiatai ñana axti naki uiche aityoximianati!

Manitanati Tuparrü

²² Arrüñü Ñemanauncurratoe Ñoñünrrü tiene que ison, ta sane ñapensacarrti Tuparrü iñemo. Pero taquisürütiatai naqui uiche aitorrimianañü.

San Lucas 22:22 Cross References

San Mateo 26:24

Axti Aɨtoxti ñoñɨnx sɨrotitɨki isiuki axɨmanu kutubiux takana axɨmanio nantɨ iku Nikorox. ¡Takisɨrɨtiatai ñana axti naki uiche aityoximianati! Uxiampɨ tɨkañe axtɨ chɨkuatatipɨ iku axɨna kɨx.

San Mateo 27:5

Auki axti Judas yaruriumpurutiño axɨmanio monikia au nipo meankax, auki sɨrotitɨ aiñotoximianatiyɨ ape uixhtiatoe.

San Marcos 14:21

Axti Aɨtoxti ñoñɨnx sɨrotitɨ isiuki axɨmanu kutubiux takana monantɨ axɨmanio Nikorox. ¡Takisɨrɨtiatai naki uiche aityoximianati! Uxiampɨ tɨkañe ɨmoti axtɨ chɨkuatatipɨ iku axɨna kɨx.

San Lucas 22:23

Auki kaɨma ñankitioma pɨnanakimiantoe ñakutipɨ axti naki uiche aityoximianati.

San Lucas 24:46

aukityo nanti ɨmoma: –Sane ane iku nikorox axti Mesías ane nɨmoche akonti, yopɨrɨkɨ trex naneneka sɨborikoti tato,

San Juan 17:12

Naukiche anankañɨnki ichepema iku axɨna kɨx, yasakatɨ xhokɨmakaityo tyakuma ui nɨriaka nɨri, axɨmanu nɨri toxio obi iñemo. Champɨti naki ensoroti axɨpekukimia kunauntañatiatai Judas, nauki atusianka axɨna nantɨ iku Nikorox.

Hechos 10:42

Uiti aikɨpuruti somɨ nauki suburaboi sukarɨ axɨbama ikokoromati Tupax, ta uiti aiñanati nauki asaraiti ɨmoma axɨbama sɨborikoma takanaintyo ɨmoma axɨbama tɨkoiñoma.

Hechos 17:31

Tyopiki axti Tupax kuatati ñana au axɨmanu nanenes ensɨmunu uiti tɨkañe, auche asaraiti ɨmo namanaiña aɨbu axɨna uxia ñapanaunkuxti, uiti taman ñoñɨnx naki samamekanati uiti ityusiankatati axɨna sane naukiche sɨborikoti tato uiti.”

Hechos 2:23

Axti maniki ñoñɨnx, sane takana ñakionkoxti Tupax, toxioti ɨmo axɨbama chuxiampɨ uimia ɨmoti, aboi apityabairoti, apakɨpuka ɨmoma axɨbama chuxiampɨ nisɨborikixhimia aityakubaxiromati kɨtɨpɨ kurusɨx.

1 Pedro 1:11

Nesaxti Espíritu Cristo aukiapae tɨkañe manunekana ɨmoma axɨbama profetas kausane ñana nityakisɨrɨkɨxti iku axɨna kɨx, axɨmanuintyo niyarusɨrɨkɨ nɨriakaxti ñana. Axɨmanuma profetas, bapacheroma nikiubuma kausane atusi ɨmoma axɨmanu nanti Espíritu ɨmoma axɨmanu ane ikɨtɨpɨma.

2 Pedro 2:3

Axɨmanuma mapañama anunekama taruku nixhankaxɨma ñana ane nimonixhimia iyebo ñana uimia monixh ui ñanunekakaxɨma aume axɨba ñapantuxɨma. Tapɨti Tupax tɨtane manityomokotox uiti ɨmoma aukiapae tɨkañe chañekanapɨma ñana ui axɨmanu nityakisɨrɨkɨxɨma.