San Lucas 14:24 - Manityanati Tupax

²⁴ Tyopiki sukanañɨ aume champɨti tamanti axɨpekukimia axɨmanuma kusɨrɨbo ityasuruma basoti niyasapata.’

Manitanati Tuparrü

²⁴ Tapü arrübama primero tasuru sobi ümo nipemaca chüpuerurrüpü aama”.

San Lucas 14:24 Cross References

San Mateo 21:43

Sane naukiche sukanañɨ aume kaɨburu ñana amopɨnanaki axɨna nɨriakax, nauki atoxi ɨmo makiataka axɨbama ikokoromati.

San Mateo 22:8

Auki nanti ɨmo axɨmanuma ikumanakataxti: ‘Chauki tɨkoñokono nanaiña ɨmo basapakax, tapɨ axɨmanuma ityasukama chɨkoñopɨtɨ ɨmoma ayematɨ.

San Lucas 14:23

Auki axti maniki ɨmoche aserebiti maniki kumanakax nanti ɨmoti: ‘Akosi yusiu kutubiuka yusiu nikɨtuka, ukanɨ ɨmoma ayematɨ, yakɨna atasopo au nipo.

San Lucas 14:25

Sɨrɨmanama sɨromatɨ isiuti Jesús. Basɨkɨbɨkoti tato nanti:

San Juan 3:19

Axɨbama chɨmakokonaumpɨma, tɨtoxioma ɨmo nityakisɨrɨkɨxɨma, ityopiki chomixhampɨ axɨba isamutema, naukiche iñatai nanentax iku axɨna kɨx onkomatɨ ɨmo tomikianene pɨnanaki nanentax.

San Juan 3:36

Axti naki makokonaunxti ɨmoti Aɨtoxti, ane isɨborikiboti ñome nanaiña naskɨbeka. Tapɨti naki chixhanxtipɨ akokonaunti ɨmoti Aɨtoxti, chɨtoxiopɨ ɨmoti axɨmanu isɨborikiboti, axɨna toxiobo ɨmoti taruku nityakisɨrɨkɨxti uiti Tupax.”

San Juan 8:21

Nanti tatityo Jesús ɨmoma: –Axɨñɨ yɨkatɨ aukina, axaño apapachekañɨ ñana, aukonka ñana aɨbu axɨmanio nomɨnantɨ aboi. Axɨna kauta niyɨkɨ, axaño chiyebopɨ aboi.

San Juan 8:24

Sane naukiche tɨsukanañɨ aume aukonka ñana aɨbu nomɨnantɨ aboi. Tyopiki axaño chapikokotapɨ ta Axɨñɨ, sane naukiche aukonka ñana aɨbu nomɨnantɨ aboi.

Hechos 13:46

Auki axti Bernabé ichepeti Pablo champɨ nixhukuxɨma anityama, aiñumuma nuraxɨma: –Tyone axɨna supachɨkoi nauki kusɨrɨbo suburaboi ausukarɨ axɨna nuraxti Tupax, aume axɨbama judíos. Axaño chauxiankapɨ apasuriu axɨna ausɨborikibo champɨ nityakɨrux, kaɨma somekatɨ esa axɨbama chɨtɨpɨ judíos.