San Lucas 13:16 - Manityanati Tupax

¹⁶ Axɨna paɨx, nityakɨbaɨtuxti Abraham tyone ananka tomoeno uiti chobores ui axɨna noxokox tɨtabe dieciocho naskɨbeka nakax aɨbu, ¿ensapɨ chuxiampɨ uisokisɨna champɨ nɨmoche au axɨna nanenes sabaru?

Manitanati Tuparrü

¹⁶ Tapü arrüna paürrü auqui nesarrti familiarrü Abraham tütabe dieciocho añorrü nacarrü tacana tomoeno uiti choborese ui norrocorrü. Urriantai te isoquisüna au na nanenese nesa macansacarrü.

San Lucas 13:16 Cross References

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

San Marcos 2:27

Iñonxikiatati Jesús: –Axɨna nanenes sabaru uxiante ɨmoti ñoñɨnx, chɨtɨpɨ axti ñoñɨnx uxiankati ɨmo nanenes sabaru.

San Lucas 16:24

Auki tosibikoti: ‘¡Iyaɨ Abraham, apukɨru chakuñɨ! Aikɨpusuti Lázaro aipiankati kutaku ne'esti ui tux nauki ayeti aiñuxuxiankati pariu nisaru, ityopiki tarukapae nichakisɨrɨkɨ oto axɨna pes.’

San Lucas 19:9

Nanti Jesús ɨmoti: –Axɨna nanenes taesɨburuma eanaki nomɨnantɨ axɨbama po'oso, tyopiki axti naki ñoñɨnx tyonenti nityakɨbaɨtuxti Abraham.

San Lucas 3:8

Apisamuse nuxia nauki atusi ta abekatɨ tato esati Yɨriabux, tapɨ amukanaño aumeampatoe: ‘¡Axɨsomɨ nityakɨbaɨtuxti Abraham!’ Tyopiki sukanañɨ aume axtɨ xhanxti Tupax omixhante uiti axɨba kanka ityakɨbaɨtubuti Abraham.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

Hechos 13:26

“Masarukityaiki, aɨtoxti Abraham, axañointyo axɨbama auki kiatax kɨx apakionkaño iyoti Tupax: axɨna nuraxti Tupax tyone axɨna uiche aikiaɨburu oñɨ eanaki nomɨnantɨ.

2 Timoteo 2:26

sane añekama ui nimetoxti chobores kauta aboma amanama nauki aisamunenti aɨbuma axɨna nixhantɨmoti.