San Lucas 12:4 - Manityanati Tupax

⁴ “Sukanañɨ aume, axɨbama ichurapataiki, tapɨ aupixhuka ñɨnana axɨbama ityabaitama nokɨtɨpɨ, tyopiki tyoneantai isamutema.

Manitanati Tuparrü

⁴ ‛Sucanañü ito aume bama amigorrü —nanti Jesús—, tapü aupirruca ñünana bama itabaitama arrüna cürrü nocütüpü, pero champü manrrü causane uimia oemo, chüpuerurrüpü aitabaimia nuyausüpü.

San Lucas 12:4 Cross References

San Mateo 10:28

Tapɨ aupixhuka ñɨnana axɨbama ityabaitama nokɨtɨpɨ nuyausɨpɨ chɨkoiñopɨ uimia. Aupixhu tyone ñɨnanati naki ityabaitati nokɨtɨpɨ ichepe nuyausɨpɨ au infierno.

San Juan 15:13

Axɨna yarusɨrɨx nikuasɨrɨkɨxti osɨborisapa oemo, tyone axɨna axtɨ uityoximiata nosɨboriki tyakuma axɨbama uturapatiki.

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Hechos 4:13

Axɨmanuma mayɨriabuka taruku nikɨtobɨxɨma naukiche astaimia axti Peru ichepeti Kuan, champɨ nixhukuxɨma anityanema, auki atusi ɨmoma ta chipiakapɨma ɨmo Nikorox, auki tusityo ɨmoma, ta tyonema axɨbama nesaxti apóstoles Jesús.

Filipenses 1:28

tapɨ aupixhuka ñɨnana axɨbama tɨborikomantai aume. Axtɨ apiñata nuxia, amastai ñana au nityakɨrux iñaxioma tatityo, tapɨ axaño ane maximiakatax aume, tyopiki sane nixhankaxti Tupax.

Santiago 2:23

Sane uxiante axɨmanu nantɨ iku Nikorox: “Axti Abraham ikokoroti Tupax, sane naukiche uxia nisɨborikixhti au nastaxti.”

1 Pedro 3:14

Axtɨ apisamute axɨna uxia, tyaku ane manityomokotox aume, aukurusɨka ñana uiti Tupax. Tapɨ aupixhuka ñɨnanama, tapɨ aukɨtobɨkaityo.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.