San Lucas 12:17 - Manityanati Tupax

¹⁷ Axti maniki chiyaupɨ nenaxixhti kuatɨ au ñakionkoxti: ‘¿Isanempɨ axɨna yachɨkoboibo? Champɨ kauta iñaɨbu nixhakiyo.’

Manitanati Tuparrü

¹⁷ Auqui mapensarati: “¿Causane sobi caüma? Champü cauta iñahübu arrüna niyesa cosecharrü”.

San Lucas 12:17 Cross References

San Mateo 16:7

Axɨmanuma nesaxti apóstoles namatɨ ɨmomantoe: –¡Champɨ pan kuatɨ soboi!

San Mateo 5:42

Axtɨ anati naki mankioti nenaxi apɨnanakikɨ, aityoximia ɨmoti. Tapɨ aisunkuta nachaku ɨmoti naki xhanxti aityoximiati tato aemo ityobo axɨna mankioti apɨnanakikɨ.

San Lucas 10:25

Tamanti maniki manunekana bakɨpukux uiti Moisés yebotitɨ anityati aɨbuti Jesús, nauki aiñanti makokotox ɨmoti ñankitioti pɨnanakiti: –Maestro, ¿isane yachɨkoboibo nauki aye sobi kauta champɨ nityakɨru nisɨboriki?

San Lucas 11:41

Axtɨ apakumanaka apityoximia auki nautusi, sane uxia naka nausɨboriki.

San Lucas 12:16

Auki urapoiti sukarɨma axɨna machepekatax: “Anati tɨkañe taman ñoñɨnx chiyaupɨ nenaxixhti, au niyoxti taruku niyekixh axɨna sɨrokɨtu uiti.

San Lucas 12:18

Nanti ɨmotiatoe: ‘Chauki tɨtusiu iñemo isane yachɨkoboibo. Iñaximiakana axɨba kauta iñaɨbu nixhakiyo iñatɨnaiñakanio tato sɨrɨmanax nuxia mopɨnanaki, akamanu iñaɨbuta nanaiña nixhakiyo nanaiñaintyo axɨba niñenaxi.

San Lucas 12:22

Auki nanti Jesús ɨmo axɨmanuma nesaxti apóstoles: “Sukanañɨ aume axɨna sane: Tapɨ amonxɨka iyo axɨna amutuburibo nauki ausɨbori, iyoityo axɨna abaibibo.

San Lucas 12:29

Sane naukiche, tapɨ amonxɨkapae, napapacheki amutuburibo autɨpoboityo.

San Lucas 12:33

Apityoximia ityobo monixh namenaxi, apikumanasama axɨbama champɨ ane ɨmoma. Apapache aupusanebo axɨna chɨmamesopɨ, amenaxibo axɨna champɨ nityakɨrux au napes, kauta chiyebopɨ uiti kusɨpɨx kautaityo chɨmamesopɨ.

San Lucas 16:3

Auki axti maniki kiapatax kuatɨ au ñakionkoxti: ‘¿Kausane kaɨma sobi axti ipiatron champɨki yachɨkoboiboñɨ uiti? Chisusɨukapɨ nauki ñasamu ñanaunx, isɨsoka yɨrotɨ xhanki monixh.

San Lucas 16:9

“Sane naukiche sukanañɨ aume ui nenaxi axɨna kɨx apapache kausane nauki sɨrɨmanama uxia uimia aume, nauki axtɨ tɨbutakɨrusu namenaxi, anati naki ñana yasuriuruti año au napes.

San Lucas 18:22

Naukiche onkoiti axɨna sane, aiñumuti Jesús nuraxti: –Aninki taman axɨna chaisamutempɨ: aipiaventeka nanaiña axɨba nenaxi aityoximia nikuax ɨmo axɨbama taruku nityakisɨrɨkɨxɨma. Sane ane enaxibokɨ au napes. Auki kaɨma ariaku isiuñɨ.

San Lucas 19:17

Aiñumuti maniki yɨriabux: ‘Uxiampae nachɨkoi. Axɨkɨ naki kumanakax uxia axɨna nachɨkoi. Axɨkɨ uxia nakionko aɨbu axɨna simiantai, yɨriabuxɨkɨ sobi ñome diez tube.’

San Lucas 3:11

Aiñumuti Kuan: –Axti naki ane tox naibixhti, tari ityoximianati taman ɨmoti naki champɨ naibixhti. Axti naki ane niyakiyoxti, tari yasaparati naki champɨ utuburiboti.

Hechos 16:30

Auki sɨromatɨ tyɨrɨpo uiti, ñankitioti pɨnanakimia: –Axaño mañoñɨnka, ¿kausane sobi nauki ichaesɨbu eanaki nomɨnantɨ?

Hechos 2:37

Naukiche axɨmanuma amonkoma akamanu onkoimia axɨna sane, taruku nisuchekixhimia auki ñankitioma pɨnanakiti Peru pɨnanakityo axɨmanuma makiataka amonkoma isiuti Jesús: –Masarukityaiki, ¿isane axɨna supachɨkoboibo?

Romanos 12:13

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

1 Juan 3:16

Axoñɨ tusiu oemo axɨna makumananaunkux tyopiki axti Jesucristo ityoximiatati nisɨborikixhti utaku saneityo axoñɨ, uityoximiana nosɨboriki tyakuma axɨbama usarukityaiki.