San Juan 8:56 - Manityanati Tupax

⁵⁶ Axti Abraham, kusɨrɨboti tɨkañe amopɨnanaki taruku nipukɨnunkuxti ui axɨna ipiatenti isekatɨ iku axɨna kɨx. Naukiche astaiti taruku nipukɨnunkuxti uixh.

Manitanati Tuparrü

⁵⁶ Arrti Abraham, naqui aubaü tücañe pucünuñati ui yarrüperacarrti isumenuñü. Auqui asaratiñü, pucünuñati.

San Juan 8:56 Cross References

San Mateo 13:17

Ñemanauntu sukanañɨ aume sɨrɨmanama axɨbama profetas ichepe axɨbama uxia nisɨborikixhimia xhanxɨma asaraimia tɨkañe axɨna kaɨma amastai, chastaipɨma. Xhanxɨmaintyo onsaperioma axɨna amonkoi, chonkoipɨma.

San Lucas 10:24

Tyopiki sukanañɨ aume sɨrɨmanama axɨbama profetas tɨkañe chepe mayɨriabuka xhanxɨma tɨkañe asaraimia axɨna kaɨma amastai, chichebopɨ ɨmoma asaraimia. Xanxɨpɨmaintyo onkoimia axɨna amonsapetio, chonkoipɨma.”

San Juan 10:25

Aiñumuti Jesús nuraxɨma: –Chauki tɨsukanañɨ aume, axaño chapikokotapɨ nisura. Axɨba isamukio omixhante sobi ui yakɨpukuxti Iyaɨ, oboi atusi nuxia isane niyaka.

San Juan 8:37

Tusiu iñemo ta axaño nityakɨbaɨtuxti Abraham. Axaño auxianka apityabairoñɨ ityopiki chauxiankapɨ apasuriu nisura.

San Juan 8:39

Axɨma namatɨ ɨmoti: –¡Axti naki suiyaɨ tɨkañe, tyonenti Abraham! Aiñumuti Jesús nuraxɨma: –Axtɨ ñemanauntupɨ axaño aɨtoxti Abraham, apisamutempɨ isiu axɨna isamutenti tɨkañe.

Hebreos 11:13

Namanaiña axɨmanuma mañoñɨnka koiñoma chiyasutiuma axɨmanu ɨriotɨ uiti Tupax ɨmoma. Ta ui axɨna ikokoromati nuxia, astaimia auki icheatai, auki taruku nipukɨruxɨma, akamanu tusiu ɨmoma, ta axɨma chɨtɨpɨ nikɨxɨma axɨna kɨx.

Hebreos 11:39

Axti Tupax taruku nipukɨnunkuxti aɨbuma, tyopiki onkomatɨ ɨmoti. Ta axɨma champɨti yasutiuti axɨmanu ensɨmunu uiti Tupax.