San Juan 8:37 - Manityanati Tupax

³⁷ Tusiu iñemo ta axaño nityakɨbaɨtuxti Abraham. Axaño auxianka apityabairoñɨ ityopiki chauxiankapɨ apasuriu nisura.

Manitanati Tuparrü

³⁷ Tusio te iñemo que arraño eanaqui nesarrti familiarrü Abraham. Pero ta aurrianca apitabairoñü, itopiqui chaurriancapü apasurio nisura.

San Juan 8:37 Cross References

San Mateo 13:15

Tyopiki nityanuxɨma axɨbama mañoñɨnka ane au tomikianene, butabuxio numasuxɨma umamanaintyo uimia nisɨtoxɨma, nauki tapɨ astaimia tapɨ anentyo onkoimia, tapɨ iyebo uimia sane tapɨ kuamatɨ tato yesañɨ, nauki tapɨ uxiankama tato sobi.’

San Mateo 3:9

tapɨ amukanaño aumeampatoe: ‘Axɨsomɨ nityakɨbaɨtuxti Abraham.’ Tyopiki sukanañɨ aume axtɨ xhanxti Tupax axɨba kanka bosɨboriko uiti ityakɨbaɨtubuti Abraham.

San Juan 10:31

Axɨmanuma judíos makanama tatityo kanka uiche arurumati.

San Juan 11:53

Auki axɨmanu nanenes tɨkañe axɨmanuma mayɨriabuka baparioma nauki apachema nikiubuma kausane aityabairomati Jesús.

San Juan 5:44

¿Kausane apikoko axaño, axtɨ uxiantai nuraxɨma makiataka aume champɨ nɨmoche aboi axtɨ chuxiampɨ nastaxti naki kunauntañati Tupax aume?

San Juan 7:1

Yopɨrɨkɨ nanaiña axɨna sane, sɨrotitɨ Jesús au nanaiña axɨmanu kɨx Galilea. Chixhanxtipɨ aɨrotitɨ au Judea, ityopiki axɨmanuma ɨriatu axɨbama judíos yapacherioromati nauki aityabairomati.

San Juan 7:19

“¿Ane tɨkañe bakɨpukux toxio aume uiti Moisés? Champɨti taman abaxɨpekuki ikokotati. ¿Tyopikiche auxianka apityabairoñɨ?

San Juan 7:25

Axɨpekukimia axɨmanuma po'osoma au Jerusalén ñankitioma: –¿Chityonentipɨ naki iyoche yapachekixhimia nauki aityabairomati?

San Juan 8:33

Axɨma iñumutama: –Axɨsomɨ nityakɨbaɨtuxti Abraham, chɨsupaserebikiapɨ ɨmoti kiatax. ¿Kausane ukanɨ champɨti ñana ɨmoche supaserebi?

San Juan 8:43

¿Kausane chiyebopɨ aboi nixhanunekaka? Ityopiki chuxiampɨ aume amonsaperio nixhanunekaka.

San Juan 8:56

Axti Abraham, kusɨrɨboti tɨkañe amopɨnanaki taruku nipukɨnunkuxti ui axɨna ipiatenti isekatɨ iku axɨna kɨx. Naukiche astaiti taruku nipukɨnunkuxti uixh.

San Juan 8:59

Auki axɨmanuma judíos xhanxɨma arurumati oboi kanka. Tapɨti Jesús matanekanati axɨpekuma makiataka auki sɨrotitɨ tyɨrɨpo auki nipo meankax.

San Juan 8:6

Axɨma ñankitioma pɨnanakiti axɨna sane nauki aiñama ñakokotoxɨma ɨmoti, sane ane ityopikiche urabomati. Tapɨti Jesús matakonokonoti, makonomonoti akɨ ui ne'esti.

Hechos 13:26

“Masarukityaiki, aɨtoxti Abraham, axañointyo axɨbama auki kiatax kɨx apakionkaño iyoti Tupax: axɨna nuraxti Tupax tyone axɨna uiche aikiaɨburu oñɨ eanaki nomɨnantɨ.

Romanos 9:7

Chɨtɨpɨ namanaiña axɨbama nityakɨbaɨtuxti Abraham ñemanaunkuxatoe aɨtoxti, axti Tupax nanti ɨmoti: “Axɨbama aɨtaiki kuamatɨ ñana aukiti Isaac.”

1 Corintios 2:14

Tapɨti naki ñoñɨnx ikuki axɨnantai kɨx, chiyasutiutipɨ axɨba noñemaxti Espíritu Santo uiti Tupax, tyopiki chɨsamianapɨ ɨmoti. Tyone chiyebopɨ uiti, tyopiki nanaiña axɨba sane tari uiti Espíritu Santo asaraiti.

1 Juan 2:14

Xhakonomoka aume, axɨbama isaɨtaiki, tyopiki ausuputakati naki Uyaɨ. Xhakonomoka aume, mayarusɨrɨka, tyopiki ausuputakati axti naki anankatiatai aukiapae ñemonkox. Xhakonomokaityo aume mayaɨka, tyopiki aruku nuxia aume apasutiutyo nuraxti Tupax au nabausasɨ, tyopiki chautapenekapɨ uiti chobores.