San Juan 20:9 - Manityanati Tupax

⁹ Chiyebopɨ uimia axɨna nantɨ iku Nikorox, ta sɨborikoti tato ñana Jesús.

Manitanati Tuparrü

⁹ Itopiqui hasta au manu nanenese chiyeboiquipü uimia arrüna Nicororrü. Ane te corobo, que arrti Jesús tiene que asüboriti tato iyau niconcorrti.

San Juan 20:9 Cross References

San Mateo 22:29

Aiñumuti Jesús nuraxɨma: –¡Axaño chaukoñonaunkapɨ, ityopiki chausuputakaipɨ Nikorox chausuputakaipityo nɨriakaxti Tupax!

San Lucas 24:26

¿Chɨtusiupɨ aume samamekanati Mesías atakisɨrɨti oboi nanaiña axɨba omixhankio ɨmoti kɨmenu atoxi ɨmoti nɨriakaxti?

San Lucas 9:45

Tapɨ axɨma chiyebopɨ uimia axɨna nanti ɨmoma, tyopiki chɨtoxiokipɨ ɨmoma nauki aye uimia. Uɨboiki bixhubuma ankirioma pɨnanakiti Jesús nauki uraboiti nuxia sukarɨma.

San Juan 2:22

Sane naukiche, sɨborikoti tato, axɨmanuma nesaxti apóstoles akionomakɨ iyo axɨmanu nuraxti tɨkañe, auki kaɨma ikokotama axɨna nantɨ iku Nikorox axɨmaniointyo nuraxti Jesús.

Hechos 17:3

Manunekanati ɨmoma ta axti Mesías koiñoti ñana, yopɨrɨkɨ trex naneneka sɨborikoti tato. Nanti ɨmoma: –Axti Jesús, naki surapoi nɨrixhti ausukarɨ, tyonenti Mesías.

Hechos 2:24

Tapɨti Tupax sɨborikoti tato uiti, ityopiki axɨmanu nikonkoxti champɨ nɨriakax kɨtɨpɨti.

1 Corintios 15:4

sɨroti kɨtu uimia pɨrɨkɨ trex naneneka sɨborikoti tato, saneityo nantɨ iku Nikorox.