San Juan 2:2 - Manityanati Tupax

² axti Jesús ichepe axɨmanuma nesaxti apóstoles tasurumaintyo ɨmo axɨmanu tɨbɨbɨx.

Manitanati Tuparrü

² Arrti Jesús ichepe bama ñanunecasarrti tasuruma ito ümo manu tübübürrü. Acamanu ananca ito nipiacütoti.

San Juan 2:2 Cross References

San Mateo 12:19

Chɨmanityanatipɨ ñana tyakutiatoe chɨtosibikotipityo ñana. Champɨti ñana xhanxti onsaperioti nuraxti yusiu kutubiuka.

San Mateo 25:40

Axti yɨriabux iñumutati ñana nabura: ‘Ñemanauntu sukanañɨ aume nanaiña axɨna apisamute tɨkañe ɨmo axɨbama isarukityaiki takisɨrɨmantai, iñemo apisamute.’

San Mateo 25:45

Iñumutati ñana Yɨriabux nuraxɨma: ‘Ñemanauntu sukanañɨ aume nanaiña axɨna chapisamutempɨ tyakuma namanaiña axɨbama takisɨrɨmantai, iñemointyo chapisamutempɨ.’

San Juan 2:12

Yopɨrɨkɨ nanaiña axɨba sane sɨrotitɨ au Cafarnaúm, ichepe nipiakɨtoti, axɨbama yarukityoxti axɨbamaintyo nesaxti apóstoles. Akamanu amonkoma sɨrɨmana naneneka.

San Juan 2:17

Auki axɨmanuma nesaxti apóstoles akionomakɨ ɨmo axɨmanu Nikorox nantɨ sane: “Taruku nichakisɨrɨkɨ ui nikuax napo iñemo.”

San Juan 2:22

Sane naukiche, sɨborikoti tato, axɨmanuma nesaxti apóstoles akionomakɨ iyo axɨmanu nuraxti tɨkañe, auki kaɨma ikokotama axɨna nantɨ iku Nikorox axɨmaniointyo nuraxti Jesús.

San Juan 2:3

Naukiche tɨkɨpɨro axɨmanu vino, auki nipiakɨtoti Jesús nantɨ ɨmoti: –Chauki tɨkɨpɨro nanaiña vino oboi.

San Juan 3:22

Yopɨrɨkɨ nanaiña axɨba sane, sɨrotitɨ Jesús ichepe axɨmanuma nesaxti apóstoles au axɨmanu kɨx Judea, akamanu anankati aɨbuma sɨrɨmana naneneka, maunimianati.

San Juan 4:2

(axɨna ñemanauntu chityonentipɨ Jesús naki maunimiana, ta axɨbama nesaxti apóstoles).

San Juan 4:33

Axɨmanuma nesaxti apóstoles ñankitioma pɨnanakimiantoe: –¿Taki anati naki makanati tauna utuburiboti?

San Juan 4:8

Axɨmanuma nesaxti apóstoles ta yebomatɨ au tube apachema utuburiboma.

San Juan 6:12

Naukiche tɨchauki niyakaxɨma, nanti Jesús ɨmo axɨmanuma nesaxti apóstoles: –Apityakɨmanaunkusio nanaiña niyochepesɨtuka, tapɨ ane ensoro.

San Juan 6:16

Naukiche tɨtobikia, axɨmanuma apóstoles sɨromatɨ abeu narubaityu tux,

San Juan 6:60

Naukiche onkoimia axɨna sane manunekatax, sɨrɨmanama axɨmanuma sɨromatɨ isiuti Jesús namatɨ: –Axɨna nuraxti champɨ kausane nauki anati aisamunenti. Champɨti ikokota axɨmanu manunekakax.

San Juan 6:66

Sane naukiche sɨrɨmanama axɨbama amonkoma isiuti onkonoti uimia,

San Juan 6:67

ñankitioti Jesús pɨnanakimia axɨmanuma doce nesaxti apóstoles: –¿Axaño auxianka amenotityo?

San Juan 6:70

Nanti Jesús ɨmoma: –Axaño axɨbama doce nabubiki, sobi yapacherioraño. Tapɨ abaxɨpeku anati tamanti chobores.

San Juan 6:71

Axɨmanu sane nuraxti Jesús ta ɨmoti Judas, aɨtoxti Simón Iscariote. Tyopiki uiti Judas ñana, aityoximianati axɨpekukimia axɨmanuma doce.

San Juan 6:8

Auki axti Andrés, tamanti axɨpekukimia axɨmanuma nesaxti apóstoles yarukityoxti Simón Peru, nanti ɨmoti:

San Juan 7:3

axɨmanuma yarukityoxti Jesús namatɨ ɨmoti: –Tapɨ asikia auna. Akosi au Judea, nauki axɨmanuma aboma asiukɨ auki ta'a asaraimia axɨna aisamute.

Hechos 11:26

naukiche tɨtabɨkoti uiti, sɨrotitɨ chepeti au Antioquía. Amonkoma akamanu taman nasɨkɨbeka, akamanu manunekanama ɨmo namanaiña. Au Antioquía tɨkañe kusɨrɨbo aɨro ɨriboma makrixhtianuka axɨbama amonkoma tɨkañe isiuti Jesús.

Hechos 11:29

Auki axɨmanuma ikokoromati Jesús auki Antioquía, chepe ñakionkoxɨma nauki ayurama ɨmo axɨmanuma makiataka ikokoromati Jesús po'osoma au Judea, isiu axɨna ane uimia.

1 Corintios 10:31

Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.

1 Corintios 7:39

Axɨna paɨx poso ane nɨriakaxti ikiana ɨmo axtɨ sɨborikotiki. Tapɨ axtɨ koiñoti, tyone axtɨ xhanx poso tatityo aɨbuti naki uxianti au ñakionkox, axti naki ikokoroti Yɨriabux Jesús.

Colosenses 3:17

Nanaiña axɨna napachɨkoi napanityaka, apisamuse au nɨrixhti Yɨriabux Jesucristo, apachampienka ɨmoti Tupax naki Uyaɨ yotopiki axɨba isamutenti Jesús autaku.

Hebreos 13:4

Axɨbama posoma tari ane ñanaunkuxɨma ɨmomantoe takana axɨna taruku nikuax aume. Tyopiki axti Tupax astaiti ñana axɨna isamutema axɨbama xhanxɨma ɨmomantoe takanaintyo ɨmoma axɨbama posoma chɨmanuanupɨma ɨmomantoe.

Apocalipsis 3:20

Axɨñɨ yaka esa tyurux xhabikia. Axtɨ anati naki onkoiti nixhabiki iyaɨbutati tyurux yɨkatɨpo au nipoxti nauki ixha chepeti.