San Juan 2:10 - Manityanati Tupax

¹⁰ auki nanti ɨmoti: –Namanaiña kusɨrɨbo machamanama axɨna uxia vino, axtɨ tɨkoboi nichakaxɨma axɨmanuma ane batasukux ɨmoma, machamanama kaɨma ɨmoma axɨna nichabataxɨmantoe vino. Tapɨ axɨkɨ aiñaɨbuta axɨna uxia vino ɨmo nityakɨrux.

Manitanati Tuparrü

¹⁰ nanti ümoti: —Nantarrü machamaca primero arrüna mejor vinorrü. Arrtü tüchaboma chama bama bapaseara, auqui caüma machamaca ito arrüna vinorrü nurichurrtai. Tapü arrücü hasta auritarrü anancaiqui ahüburu obi arrüna mejor vinorrü.

San Juan 2:10 Cross References

San Mateo 24:49

auki kaɨma champɨ nipukɨruxti tyaku makiataka kumanakaka, sɨrotitɨ chepe mayorisɨbaboka nauki a'ati achatityo,

San Lucas 12:45

Tapɨ axtɨ chɨsanempɨ uiti maniki kumanakax, au ñakionkoxti chɨkontopɨ aiñanainti tato maniki ɨmoche aserebiti, auki kaɨma champɨ nipukɨruxti tyaku makiataka kumanakaka, aukityo basoti, chaboti chepe norisɨbaxti,

San Lucas 16:25

Tapɨti Abraham aiñumuti: ‘Isaɨ, akionsɨ tɨkañe naukiche asɨborikiaiki chauki tɨtoxio aemo enaxibokɨ, tapɨti Lázaro toxio ɨmoti nityakisɨrɨkɨxti. Axti kaɨma auna yasutiuti ipukɨnunkubuti, tapɨ axɨkɨ atakisɨrɨkɨbokɨ.

Hechos 2:15

Chɨkoñopɨ nabura axɨna amukanaño axɨsomɨ soborisɨbaka. ¡Aɨbapae tansɨrɨki nuxia!

1 Corintios 11:21

Tyopiki axtɨ aubaka, taikianati taman kusɨrɨboti a'ati. Tapɨ makiataka sɨsioma aɨbu nikɨrɨpɨxɨma, makiataka orisɨbaboma.

Efesios 5:18

Tapɨ aborisɨbaka, tyopiki uixh chɨtusiupɨ aume isane axɨna apisamute. Chebo aboi tyone, aɨroti Espíritu Santo aukɨtɨpɨ tari uiti aipesɨnakati nausɨboriki.

1 Tesalonicenses 5:7

Axɨbama champɨ nɨmoche uimia niyekixhti tato Yɨriabux Jesús isamutema au nisɨborikixhimia aruki nanaiñantai nomɨnantɨ taikiana orisɨbama, tyonema axɨbama aboma au tomikianene.

Apocalipsis 17:2

Axɨmanuma mayɨriabuka ikuki kɨx iyoberabaramakɨ ichepe nauki anauma ɨmo axɨmanuma matupaka nisamuku mañoñɨnka, saneityo isamutema makiataka ikuki nanaiña kɨx orisɨbaboma ui axɨmanu chuxiampɨ niñachamatax.”

Apocalipsis 17:6

Auki kuatɨ au nixhakionko axɨmanu paɨx ta orisɨbabo ui noto axɨbama ikokoromati Tupax uityo notoxɨma axɨbama manunekanama tɨkañe au nɨrixhti Jesús. Isɨtobɨka nuxia uixh, naukiche yasakatɨ ɨmo.