San Juan 19:34 - Manityanati Tupax

³⁴ Tamanti axɨpekuki axɨmanuma masortaboka isɨkɨmatati nipetakuxti Jesús ui nesaxti ransax, isiukai osɨro auki notox ichepe tux.

Manitanati Tuparrü

³⁴ Arrti maniqui taman sortaborrü ane mecuti nesarrti ransarrü. Uirri iquiusutati nipetacurrti Jesús. Auqui osüro notorrti y turrü auqui manu nobüriturrü.

San Juan 19:34 Cross References

San Mateo 27:62

Au axɨmanu kiatax nanenes, sabaru, axɨmanuma ɨriatu axɨbama sacerdotes ichepe axɨmanuma fariseos yebomatɨ asaramati Pilato,

San Juan 19:33

Naukiche iñataimia esati Jesús, astaimia ta tɨkoiñoti. Sane naukiche chiñaneontapɨma nityapaxti.

San Juan 20:20

Naukiche tɨnanti axɨna sane, ityusiankatati sukarɨma axɨmanio nobɨrityuka ñome ne'esti ichepe nipetakuxti. Axɨma pukɨnuñama ui axɨna asaramati Yɨriabux.

Hechos 22:16

Tapɨ kaɨma, isane naxɨperatio. Atɨsai, nauki ɨrikia sane sɨrɨbu akɨtɨpɨkikɨ nomɨnantɨ, urasoi nuraxti Tupax.’

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Hebreos 9:13

Ñemanauntu ui noboto numukianka, uityo nityɨbɨtɨ naɨmosimia axɨna oomo onɨ axɨmanu altar, axtɨ supiuru onɨma axɨbama ane nomɨnantɨ kɨtɨpɨma, uixh sɨrɨbu kɨtɨpɨki nikɨtɨpɨxɨma.

Hebreos 9:22

Axɨmanu bakɨpukux nantɨ ta ui noto numukianka sɨrɨbu nomɨnantɨ yokɨtɨpɨki nanaiña. Ta champɨityo axtɨ moximiakana nomɨnantɨ axtɨ charaparapɨ notox.

1 Pedro 3:21

Axɨmanu tux tɨkañe tyone axɨna tux uiche osɨrikia, tyone axɨna uiche kaɨma ane maximiakatax oemo. Axtɨ osɨrikia chɨtɨpɨ nauki uiyaxɨbi nokɨtɨpɨ, ta nauki manki pɨnanakiti Tupax uxia numapanaunku, ixhimiakatityo axɨba nomɨnantɨ osoi tyopiki ta sɨborikoti tato Jesucristo,

1 Juan 5:6

Naukiche kuatati Jesucristo iku axɨna kɨx, ɨrioti ui tux, naukiche koiñoti arapara notoxti, axti Espíritu Santo astaiti nanaiña axɨna sane, nanaiña axɨna nanti Epíritu tyone axɨna ñemanauntu.

1 Juan 5:8

Nesaxti Espíritu Tupax, axɨmanu tux uiche ɨriti, notoxti Jesús axɨmanu arapara kɨtɨpɨ kurusɨx naukiche tɨkoiñoti. Axɨmanio trex tyoneantoe nuburax.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.