San Juan 18:30 - Manityanati Tupax

³⁰ Axɨma aiñumuma: –Axtɨ chɨtɨpɨ naki yatabayox chisopikiakatipɨ tauna aesakɨ.

Manitanati Tuparrü

³⁰ Arrüma aiñumuma sane: —Arrtü nampü champü nipünatenti maniqui, chüsopitorrimiacatipü aemo.

San Juan 18:30 Cross References

San Marcos 10:33

“Axaño amastai, kaɨma uɨkatɨ au Jerusalén, ta'a toxioti Aɨtoxti noñɨnx mekuma ɨriatuxɨma axɨbama sacerdotes mekumaintyo axɨbama manunekanama bakɨpukux uiti Moisés, uimia aityoximianamati ɨmo nikonkoxti aityoximianamatityo ɨmo axɨbama auki kiatax kɨx.

San Marcos 15:3

Axɨbama ɨriatu axɨbama sacerdotes aruki nanaiñantai urabomati,

San Lucas 24:7

axti Aɨtoxti ñoñɨnx toxioti ñana meku axɨbama chuxiampɨ nisɨborikixhimia, ityakubaxiromati kɨtɨpɨ kurusɨx yopɨrɨkɨ trex naneneka sɨborikoti tato.

San Juan 18:29

Sane naukiche sɨrotitɨ Pilato tyɨrɨpo ankirioti pɨnanakimia: –¿Isane ityopikiche aburaboti naki ñoñɨnx?

San Juan 18:31

Nanti Pilato ɨmoma: –Amekosi aɨbuti apisamuse ɨmoti isiuki axɨmanu bakɨpukux uiti Moisés aume. Axɨmanuma ɨriatu axɨbama judíos aiñumuma: –Axɨsomɨ champɨ sobɨriaka nauki sopityabairoti taman ñoñɨnx.

San Juan 19:12

Auki kaɨma, bapacheroti Pilato nikiubuti kausane nauki emekati Jesús uiti, tapɨ axɨmanuma judíos tosibikoma ɨmoti: –¡Axtɨ aiñemekakati, chɨtɨpɨ aturapati yɨriabux César! ¡Tyopiki axti naki isamunutiyɨ yɨriabuxti, chɨtɨpɨ nityurapataxti yɨriabux César!

Hechos 3:13

Axti Tupax ɨmoti Abraham, ɨmoti Isaac ɨmotityo Jacob, ɨmoma axɨbamaintyo kusɨrɨboma tɨkañe usaɨbu, tyonenti naki uiche yarusɨrɨx nɨrixhti Jesús axti Aɨtoxti. Naki toxioti aboi ɨmo mayɨriabuka, axti yɨriabux Pilato xhanxtipɨ tɨkañe aiñemekanati, tapɨ axaño chauxiankapɨ.

2 Timoteo 2:9

Yotopiki axɨba omixhia manityakax yaka aɨbu nichakisɨrɨkɨ, yaka ichomoenka ui karenax takanati yatabayox. Tapɨ axɨna nuraxti Tupax chɨtomoenopɨ ui karenax.

1 Pedro 4:15

Axtɨ abaxɨpekuki anati naki takisɨrɨti, tapɨ tyaku yatabaikixhti, nikusɨpɨkɨxti, o tyopiki yasutiuti kiatax chɨrɨri.