San Juan 11:19 - Manityanati Tupax

¹⁹ Sɨrɨmanama axɨpekukimia axɨmanuma judíos yebomatɨ asaraimia Mariax ichepe Marta, nauki tapɨ trukapae niyusuchekixh ityopiki nikonkoxti yotɨbauxixh.

Manitanati Tuparrü

¹⁹ Sürümanama bama israelitarrü aboma acamanu apaseama ümo Mariarrü y Martarrü, nauqui achema ñupucünuncubu, tapü tarucapae niyusuchequirri isiuti yotubaurrirri, naqui coiño.

San Juan 11:19 Cross References

San Lucas 10:39

Marta ane taman narukixh nɨrixh Mariax, tyone tɨmonso esati Jesús, nauki onsaperio nuraxti.

San Lucas 10:42

ane tamantai axɨna ane nɨmoche. Mariax tabɨko uixh axɨna uxia, champɨti uiche aikiaɨbu pɨnanaki.

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.

San Juan 11:1

Anati tɨkañe tamanti ñoñɨnx maunxokonoti nɨrixhti Lázaro, po'osoti au Betania, au axɨmanu tube po'oso Mariax ichepe narukixh Marta.

San Juan 11:31

Naukiche astaimia atɨrai Mariax sɨrotɨ tyɨrɨpo, axɨmanuma judíos amonkoma akamanu au nipox, sucheboma ichepe, sɨromatityo isiu ñakiokoxɨma sɨrotɨ areo esa nikɨxti Lázaro.

San Juan 11:33

Axti Jesús, naukiche asaratitɨ ɨmo Mariax ichepe axɨmanuma judíos sɨromatɨ ichepe taruku nareoxɨma, sucheboti auki pukɨrusuti tyakuma.

San Juan 11:36

Auki axɨmanuma judíos namatɨ: –¡Amasasatɨ, taruku nikuasɨrɨkɨxti tɨkañe ɨmoti!

San Juan 11:45

Ui axɨna sane sɨrɨmanama axɨbama judíos yebomatɨ isiu Mariax astaimia axɨna isamutenti.

San Juan 11:8

Axɨmanuma nesaxti apóstoles namatɨ ɨmoti: –Maestro, aɨboatai axɨmanuma judíos po'osoma akamanu xhanxɨma aityabairomakɨ oboi kanka, ¿sane axianka aɨrotɨ tatityo ta'a?

Romanos 12:15

Aupukɨnu chepema axɨbama pukɨnuñama. Ausuche chepema axɨbama sucheboma.

2 Corintios 1:4

Uiti taruku nupukɨnunku axtɨ utakisɨrɨka, nauki osoi pukɨnuñamaintyo axɨbama takisɨrɨma, takana axɨna nupukɨnunku uiti.

1 Tesalonicenses 4:18

Oboi axɨba manunekatax chepe año apiña nuxia.

1 Tesalonicenses 5:11

Sane naukiche, apiña nuxia, apayura aumeampatoe, takana axɨna nantaxtai apisamute.