San Juan 10:13 - Manityanati Tupax

¹³ Axti maniki ñoñɨnx besɨburuti ityopiki axɨna iyoche uiti ta axɨmanuantai bapakatar ɨmoti, tapɨ nobixhaka champɨ nɨmoche uiti.

Manitanati Tuparrü

¹³ Arrti maniqui bacuirara yutacu nobirraca besüburuti, itopiqui champü nümochio uiti manio nobirraca. Batrabacarati iyo monirratai.

San Juan 10:13 Cross References

San Juan 10:12

Tapɨti naki asaratitɨ yutaku nobixhaka ityobo monixh, axtɨ asaratitɨ kɨmenu nuitɨmɨx besɨburuti. Omonkono nobixhaka uiti, ityopiki chityonentipɨ naki ipiakati asaratitɨ yutaku tyopiki chɨtɨpɨ niyabuxti. Auki axɨmanu nuitɨmɨx batabaiyo nobixhaka tapɨ pikiataka omiñaxio.

San Juan 10:14

Axɨñɨ ipiaka nuxia yasaratɨ yutaku nobixhaka. Sane takanati Iyaɨ isuputaratiñɨ axɨñɨntyo isuputakati, saneityo axɨñɨ isuputakio niyabu nobixhaka tapɨ axio opisuputarañɨntyo.

San Juan 12:6

Tapɨti Judas nanti axɨna sane, chɨtɨpɨ ui axɨna kuasɨrɨma ɨmoti axɨbama taruku nityakisɨrɨkɨxɨma, ityopiki kusɨpɨxti, mekuti nakax axɨmanu nimonixhimia, nantaxtai kusɨpɨoti aruki.

Hechos 18:17

Auki namanaiña axɨmanuma auki Grecia, iñenomati Sóstenes maniki yɨriabux ɨmo sinagoga okɨsioma ɨmoti akamanu sukarɨma mayɨriabuka. Tapɨti Galión champɨ nɨmoche uiti axɨna sane.

1 Corintios 7:32

Axɨñɨ ixhankapɨ nauki tapɨ autakisɨrɨka. Nauki axti naki chɨposotipɨ tari yapacherati nikiubuti kausane aserebiti ɨmoti Yɨriabux nauki uxia ɨmoti nisɨborikixhti.

1 Corintios 7:33

Tyopiki axti naki posoti taruku nonxɨkɨxti yubapa axɨba ausɨratai ikuki axɨna kɨx ui nixhankaxti aisamunenti axɨna uxia ɨmo nikɨpostoti,

Filipenses 2:20

Kunauntañati Timoteo naki taruku nonxɨkɨxti autaku, tarukuityo naukuasɨrɨkɨ ɨmoti takana axɨñɨ.