Gálatas 6:8 - Manityanati Tupax

⁸ Axti naki mankɨturuti axɨba chomixhampɨ nixhantɨmoti, auki axɨmanio chomixhampɨ nixhantɨmoti, bapakɨtauruti ñana konkox. Tapɨti naki mankɨturuti ɨmoti Espíritu Santo, aukiti Espíritu Santo bapakɨtauruti ñana sɨborikixh axɨna champɨ nityakɨrux.

Manitanati Tuparrü

⁸ Arrti naqui isamutenti isiu arrüba chomirriampü ñapensacarrti, cuatü ñana carrticurrü ümoti. Pero arrti naqui isamute isiu nirrancarrti Espíritu Santo, tonenti naqui chütacürusupü ñana nisüboriquirrti au napese.

Gálatas 6:8 Cross References

San Mateo 19:29

Namanaiña axɨbama ichopikiñɨ iñokotama nipoxɨma, yarukityoxɨma, nikiasixhimia, yaɨtoxɨma, nipiakɨtoxɨma, aɨtoxɨma, niyoxɨma, yasutiuma ñana cien yopɨrɨkɨ, yasutiumaintyo nisɨborikixhimia champɨ nityakɨrux.

San Mateo 25:46

Axɨma sɨromatɨ ɨmo champɨ nityakɨrux nityakisɨrɨkɨxɨma, tapɨ axɨbama uxia nisɨborikixhimia sɨromatɨ kauta champɨ nityakɨru nisɨborikixhimia.”

San Lucas 18:30

toxio ɨmoti uɨboiki au axɨna kaɨma nisɨborikixhti, tapɨ au axɨna kuabotɨki nisɨborikixhti yasutiuti isɨborikiboti axɨna champɨ nityakɨrux.

San Juan 4:14

Tapɨti naki chaboti axɨna tux toxiobo sobi, chanantopɨ atosɨti tato. Axɨna tux toxiobo sobi ɨmoti isamunɨ kɨtɨpɨti nantaityux uixh champɨ nityakɨru nisɨborikixhti.

San Juan 4:36

Axti naki bapakɨtauruti ane toxiobo ɨmoti axɨmanu iyebo uiti tyone axɨna sɨborikixh champɨ nityakɨrux, nauki axti naki mankɨturu ichepeti naki bapakɨtauru taruku nipukɨnunkuxɨma.

San Juan 6:27

Tapɨ apapacheka amutuburibo axɨna takɨrusu, apapache amutuburibo axɨna chɨtakɨrusupɨ axɨna uiche champɨ nityakɨru nausɨboriki. Tyone axɨna amutuburibo toxiobo aume uiti Aɨtoxti ñoñɨnx, tyopiki axti Tupax, naki Iyaɨ samamekanati uiti.

Romanos 13:14

Chɨsanempɨ, apikoñoko nausɨboriki apisamuse axɨba omixhia takanati Yɨriabux Jesucristo, tapɨ chebo aboi ɨmo naukɨtɨpɨ nauki apisamune axɨba nomɨnantɨ.

Romanos 6:13

Tapɨ apityoximiata naukɨtɨpɨ ɨmo nomɨnantɨ, nauki uixh aisamune axɨna chuxiampɨ. Apityoximia tyone ɨmoti Tupax, takanati naki tɨkoiñoti ta sɨborikoti tato, apityoximiaintyo naukɨtɨpɨ axɨna uiche aisamune axɨna uxia au ñakionkoxti.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Romanos 8:11

Tapɨ axtɨ nesaxti Espíritu naki uiche asɨboriti tato Jesús ane aukɨtɨpɨ, tyonenti naki uiche asɨboriti tato Cristo toxio uiti axɨna iyebo isɨborikibo naukɨtɨpɨ uiti Espíritu Santo naki anati aukɨtɨpɨ.

Romanos 8:13

Tyopiki axtɨ ausɨborikia isiuki axɨmanu nixhantɨmo naukɨtɨpɨ, aukonka ñana. Tapɨ axtɨ ui noñemaxti Espíritu Santo apiñokota axɨmanu nixhantɨmo naukɨtɨpɨ, ausɨborikia.

Romanos 8:6

Axtɨ uisamute isiuki nixhantɨmo nokɨtɨpɨ, uixh uɨkatɨ ɨmo nokonko. Tapɨ axtɨ uisamute nixhantɨmoti Espíritu Santo uixh osɨborikia uixhtyo uxia uiti Tupax oemo.

1 Corintios 15:42

Saneityo axtɨ sɨborikoma tato axɨbama tɨkoiñoma. Axɨna sɨro kɨtu tyone isamute axɨna chuxiampɨ. Tapɨ axɨna sɨboriko tato tyone axɨna chɨtapenekopɨ ui nomɨnantɨ.

Gálatas 6:7

Tapɨ autapeneka aboiyapatoe: chɨtɨpɨ ukupiurataboti Tupax. Axɨna sɨro kɨtu osoi, tyone pakɨtauru ñana osoi.

1 Timoteo 1:16

Tapɨti Tupax pukɨrusuti chakuñɨ, nauki axti Jesucristo aityusiankati sɨtɨpɨkiñɨ nanaiña axɨna uxia uiti. Isamutenti sane nauki makiataka aisamunema isiuki nisɨboriki aɨbu ñakokonaunkuxɨma ɨmoti Jesucristo nauki aye isɨborikiboma axɨna champɨ nityakɨrux.

Tito 3:7

chɨkoñopɨtɨ oemo, tapɨti yasuriuruti oñɨ uiti atusi oemo ta ñemanauntu ñana toxio oemo axɨmanu osɨborikibo champɨ nityakɨrux ensɨmunu tɨkañe.

Santiago 3:18

Axɨbama bapacheroma nikiubuma uxia nisɨboriki namanaiña aɨbumantoe, toxio ñana ɨmoma uiti Tupax maximiakatax.

2 Pedro 2:12

Axɨmanuma mañoñɨnka takana numukianka nisɨborikixhimia: champɨ ñapanaunkuxɨma, sɨborikoma takana numukianka aboma iku kɨx iyabubu makiataka nauki aityabairomaintyo. Chuxiampɨ nuraxɨma ñome axɨba chɨtusiupɨ ɨmoma. Koiñoma ñana takana niñokonko numukianka,

2 Pedro 2:19

Namatɨ ɨmoma ta chebo ñana ɨmoma aisamunema axɨna nixhantɨmoma, tapɨ axɨma ta chiñokotapɨma axɨba chomixhampɨ niyachɨkoimia. Tyopiki axti ñoñɨnx kumanakaxti oboi axɨba chomixhampɨ nixhantɨmoti.

SAN JUDAS 1:21

Taikiana amonkatɨ ɨmoti Tupax kuantionki omixhia naneneka ñana aume uiti Yɨriabux Jesucristo, ui nipukɨruxti, toxio ñana uiti osɨborikibo axɨna champɨ nityakɨrux.

Apocalipsis 22:11

Tapɨ asikia kuatati naki chuxiampɨ nisɨborikixhti tari aisamunenti axɨna chuxiampɨ. Tapɨti naki uxia nisɨborikixhti tari aisamunenti axɨna uxia, naki champɨ nomɨnantɨ uiti tapɨ chebo uiti aisamunenti nomɨnantɨ.”