Gálatas 5:7 - Manityanati Tupax

⁷ Axaño chauki tamekatɨ isiuki axɨna uxia kutubiux. ¿Ñakuti uiche chichebopɨ nauki chapikokotapɨ axɨba ñemanauntu?

Manitanati Tuparrü

⁷ Aucutanu coñorrtai napapanauncu, numo amoncatü ümoti Jesús. ¿Quitipü naqui uiche apiñoco arrüna ñemanauncurratoe manunecatarrü?

Gálatas 5:7 Cross References

San Mateo 13:21

ityopiki champɨ nixhanakax, chɨsɨsiopɨma aɨbu. Axtɨ ityopiki axɨba omixhia manityakax takisɨrɨma oboi makokotox, axtɨ matanekanama ñɨnana makiataka, auki iñokotama axɨmanu manunekatax.

Hechos 6:7

Axɨna nuraxti Tupax tɨtusiu au nanaiña, axɨmanuma ikokoromati Jesús naneneka isumainkianɨ nubukixhimia au Jerusalén. Abomaintyo axɨbama sacerdotes judíos axɨbama ikokoromati Jesús.

Romanos 10:16

Chɨnamanaiñampɨ yasutiuma axɨmanio omixhia manityakax. Ta takana nanti naki profeta Isaías: “Yɨriabux, ¿Ñakutipɨ ikokotati naukiche onkoiti supanunekaka?”

Romanos 15:18

tyopiki axɨñɨ chɨtɨpɨ kiatax nisura, xhanityaka axɨna isamutenti Cristo saɨbuñɨ nauki axɨbama chɨtɨpɨ judíos aikokoma yakɨpukuxti Tupax. Tyone uxiante sobi oboi nixhanunekaka takanaintyo ui nisɨboriki,

Romanos 16:26

tapɨ kaɨma tusiankana oboi ñakonomosoxɨma axɨbama profetas, takana yakɨpukuxti Tupax naki champɨ nityakɨru nisɨborikixhti. Axɨna ananka anekana nixhantɨmoti Tupax tusiankana sukarɨ namanaiña iku axɨna kɨx nauki aikokoma naukityo aisamunema.

Romanos 2:8

Tapɨ axɨbama chuxiampɨ nisɨborikixhimia, toxio ñana ɨmoma ityakisɨrɨkɨboma, axɨbama chuxiampɨ ɨmoma axɨna besɨro ta uxia ɨmoma axɨna nomɨnantɨ.

Romanos 6:17

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume.

1 Corintios 9:24

Axaño tusiu aume axtɨ aboma axɨbama ipiakɨnomakɨ namanaiña ipiakɨnomakɨ, au nityakɨrux tamantiatai naki kusɨrɨboti aiñanainti tyakɨru. Sane naukiche apipiakɨsaño nuxia nauki ane toxiobo aume ityobo.

2 Corintios 10:5

Nanaiñaintyo axɨba taruku nobɨriakax axɨba muxian apityochenaka tapɨ isuputaramati Tupax makiataka. Nanaiña axɨna niñapanaunkuxɨma mañoñɨnka soboi sɨromatɨ esati Cristo nauki aikokoromati,

Gálatas 2:2

Yakatɨ tyopiki ityusiankatati Tupax sukarɨñɨ ta yɨkatɨki ñana. Akamanu xhanunekaka ɨmoma axɨbama ikokoromati Jesús axɨba omixhia manityakax axɨna surapoi sukarɨma axɨbama chɨtɨpɨ judíos. Xhanunekakaityo ɨmo mayɨriabuka, nauki atusi nuxia ɨmoma axɨna niyachɨkoi ta ane taruku nɨmoche.

Gálatas 3:1

¡Axaño axɨbama auki Galacia, chauxiankapɨ aye aboi manunekatax! ¿Ñakuti naki uiche aiñamesokoti napapanaunku? Au axɨmanio supanunekaka sopityusiankakati ausukarɨatoe axti Cristo naki takubaxioti kɨtɨpɨ kurusɨx.

Gálatas 5:10

axɨñɨ ñemanauntu sukanañɨ ui noñemaxti Yɨriabux Jesús ta axaño chɨkiataxɨpɨ napakionko. Axti maniki chichebopɨ uiti, ane ñana ityakisɨrɨkɨboti uiti Tupax, champɨ nɨmoche ñakuti.

2 Tesalonicenses 1:8

Kuatati ñana anityomokoti ɨmoma axɨbama chixhanxɨpɨma asuputaramati Tupax champɨityo axtɨ ikokotama axɨba omixhia manityakax uiti Yɨriabux Jesús.

Hebreos 11:8

Axti Abraham, ikokoroti nuxia Tupax tɨkañe naukiche tasuruti uiti, ikokotati nuraxti nauki aɨrotitɨ au axɨmanu kiatax kɨx axɨna toxiobo uiti ɨmoti. Iñokotati nikɨxtiatoe chɨtusiupɨ ɨmoti kauta niyɨkɨxti.

Hebreos 12:1

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux.

Hebreos 5:9

Sane, naukiche tisamutenti Cristo nanaiña axɨna yakɨpukuxti Tupax, tyonenti kaɨma naki uiche ane maximiakatax ɨmoma axɨbama ikokoromati,

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.