Gálatas 5:4 - Manityanati Tupax

⁴ Axaño axɨbama auxianka uxia nausɨboriki au nastaxti Tupax isiuki axɨmanu bakɨpukux, apiñakaño pese pɨnanakiti Cristo. Chapasutiupɨ nipukɨruxti Tupax autaku.

Manitanati Tuparrü

⁴ Chauqui tapiñococati Cristo. Itopiqui arraño aurriancatai aye aboi esati Tuparrü ui arrüna apicocota nüriacarrü. Ui arrüna sane ensoro amopünanaqui ñacunusüancacarrti Cristo aume.

Gálatas 5:4 Cross References

Romanos 11:6

Axtɨ ui nipukɨruxti Tupax, chɨtɨpɨ axtɨ axɨna isamutema. Axtɨ sanempɨ, axɨna nipukɨruxti Tupax chauki chityonempɨ nipukɨruxti.

Romanos 3:20

Champɨti nanti ñana axɨñɨ isamute nanaiña axɨmanu bakɨpukux uiti Tupax nanti ɨmoti champɨ nomɨnantɨ uiti, tyopiki axɨmanu bakɨpukux uiti Moisés baserebio nauki atusi ta ane nomɨnantɨ osoi.

Gálatas 2:21

Chixhankapɨ iña peese nipukɨruxti Tupax. Tyopiki axtɨ ui axɨmanupɨ bakɨpukux uiti Moisés uxiampɨ nosɨboriki au nastaxti Tupax, munataipɨ nikonkoxti Cristo.

Gálatas 5:2

Ñemanauntu, axɨñɨ Pablo, sukanañɨ aume axtɨ circuncidabo año, champɨ nanenekicheti Cristo aume.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.