Gálatas 3:8 - Manityanati Tupax

⁸ Axɨna Nikorox, aukiapae tɨkañe nantɨ axɨpekuma axɨbama chɨtɨpɨ judíos uxia nisɨborikixhimia au nastaxti Tupax axɨbama ikokoromati, urapoiti tɨkañe sukarɨti Abraham axɨna uxia manityakax: “Namanaiña mañoñɨnka ikuki axɨna kɨx kurusɨoma ñana atopikikɨ.”

Manitanati Tuparrü

⁸ Auqui ñemonco tusio icuqui Nicororrü que arrti Tuparrü yasutiuti ümo bama oncomatü ümoti auqui nanaiña nacioneca. Sane nauquiche tücañe urapoiti Tuparrü isucarüti Abraham arrüna urria manitacarrü sane: “Auqui naca caüma bocurusüo nanaiña nacioneca icu na cürrü, y nanaiña bama oncomatü iñemo tacanacü”.

Gálatas 3:8 Cross References

San Juan 19:37

Nantityo sane au kiatax narɨkɨkixh iku Nikorox: “Asaramati ñana ɨmoti naki sɨkɨmana nipetakuxti uimia”.

San Juan 7:38

Axti naki ikokorotiñɨ, takana nantɨ iku Nikorox, kɨtɨpɨkiti obosɨro ñana nusɨruka aɨbu tux axɨna sɨboriko.

San Juan 7:42

Nantɨ iku Nikorox axti Mesías tyonenti nityakɨbaɨtuxti yɨriabux David, kuatati ñana auki Belén, auki axɨmanu tube kuatati tɨkañe David.

Hechos 2:35

chepe axtɨ tɨsɨroma sobi ñokiana napope axɨbama chuxiampɨ uimia aemo.’

Romanos 9:17

Tyopiki iku Nikorox nantɨ ɨmoti Faraón: “Yɨriabuxɨkɨ sobi nauki ityusianka asukarɨkɨ niñoñema nauki asuputaramañɨ iku nanaiña kɨx.”

Romanos 9:30

¿Isanempɨ usukana oñɨ ɨmo axɨna sane? Ui axɨna ñakokonaunkuxɨma axɨbama chikokoromatipɨ Tupax uiti uxia nisɨborikixhimia, axɨbama chiyapachetiopɨma axɨna uxia.

Gálatas 3:16

Axti Tupax ɨriotɨ tɨkañe uiti axɨba toxiobo ɨmoti Abraham ɨmomaintyo axɨbama aɨtoxti. Axɨmanu Nikorox chɨnanpɨtɨ “axɨbama aɨtaiki”, sɨrɨmanama, ta kunauntañatiatai. Nantɨ: “ɨmoti aɨ”, axɨmanu sane tyonenti Cristo.

Gálatas 3:22

Tapɨ axɨna Nikorox nantɨ, namanaiña amanamampo ui nomɨnantɨ, nauki axɨbama ikokoromati Jesucristo atoxi ñana ɨmoma axɨna ɨriotɨ uiti Tupax.

Gálatas 4:30

¿Isane axɨna nantɨ iku Nikorox? Nantɨ sane: “Aipene tyɨrɨpo axɨmanu kumanakax aɨbuti ipiaɨmakax, tyopiki axti maniki ipiaɨmakax axɨmanu kumanakax chɨtoxiopɨ ñana ɨmoti nenaxixhti Yaɨtoti takanati maniki naɨto nikɨpostotiatoe.”

Hebreos 4:2

Tyopiki oemointyo urapoimia axɨmanio omixhia manityakax, sane takana axɨma. Tapɨ axɨma champɨ nanenekiche ɨmoma axɨmanu onkoimia, tyopiki choberabarapɨma chepema axɨmanuma ikokotama axɨmanio omixhia manityakax.

Apocalipsis 11:15

Axti maniki kiatax ángel ipunutati nibuxixhti, auki rabotio tosibikia au napes, monantɨ sane: “Nɨriakax ikuki axɨna kɨx tyone nesaxti Tupax chepeti Aɨtoxti axti Mesías, yɨriabuxɨma ñana ñome nanaiña naskɨbeka.”