Gálatas 3:10 - Manityanati Tupax

¹⁰ Axɨbama onkomatɨ ɨmo axɨmanu bakɨpukux uiti Moisés tyonema axɨbama pauxamanama, tyopiki axɨmanu Nikorox nantɨ: “Pauxamanati ñana naki chisamutentipɨ nanaiña axɨna ane korobo iku axɨmanu kichonimiakax nesa bakɨpukux.”

Manitanati Tuparrü

¹⁰ Tapü arrübama oncomatü ümo nüriacarrü uiti Moisés paurramanama uiti Tuparrü, itopiqui ane corobo sane: “Tiene que paurramanati naqui chicocotatipü y chisamutentipü nanaiña arrüba bacüpucuca, arrüba abe bocorobo icu na librurrü nesa nüriacarrü”.

Gálatas 3:10 Cross References

San Mateo 25:41

“Auki axti yɨriabux nanti ɨmo axɨmanuma aboma au nepaux: ‘Apakicho aukina yesakiñɨ, axɨbama toxio año ɨmo naukonko. Amekosi oto axɨmanu pes chotochebopɨ ananka koñokono ɨmoti chobores ichepe axɨbama nesaxti ángeles.

Romanos 4:15

Axɨmanu bakɨpukux uiti Moisés kuatɨ uixh chɨrɨri, tapɨ axɨna kauta champɨ bakɨpukux uiti Moisés, chɨtusiupɨ axtɨ ane nuipɨnate.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Romanos 8:7

Axɨbama isamutema isiuki nixhantɨmo nikɨtɨpɨxɨma tyonema axɨbama chuxiampɨ uimia ɨmoti Tupax, tyopiki chixhanxɨpɨma aisamunema yakɨpukuxti Tupax.

2 Corintios 3:7

Naukiche atusianka axɨmanu bakɨpukux uiche uɨrotɨ ɨmo konkox axɨmanu ananka korobo iku kanx uxiante aɨbu taruku nanentakax, sane naukiche axɨmanuma auki Israel chastaipɨma nisuxti Moisés, ui axɨmanu tarukapae nanentakax axɨna chɨsɨsiopɨ ñana,

Gálatas 2:16

Tusiu oemo champɨti ñoñɨnx uxia nisɨborikixhti au nastaxti Tupax axtɨ ikokotati axɨmanu bakɨpukux uiti Moisés ta chapie ɨmo makokonaunkux ɨmoti Jesucristo. Sane naukiche, axoñɨntyo uikokokati Jesucristo, chapie ɨmo axɨmanu makokonaunkux chɨtɨpɨ ui axɨna uisamute axɨmanu bakɨpukux uiti Moisés.