Filemón 1:7 - Manityanati Tupax

⁷ Saruki Filemón, taruku nipukɨnunku arukuityo nuxia iñemo tyopiki ipiate taruku nakumananaunku ɨmo makiataka, tyopiki obi, aruku ɨmoma pukɨnuñamaintyo namanaiña axɨbama ikokoromati Tupax.

Manitanati Tuparrü

⁷ Arrüñü ipucünuncatai acuatacü, saruqui, arucu nurria iñemo atopiquicü, itopiqui cuasürüma aemo bama icocoromati Jesús, y bien urria nachücoi aübuma. Ui arrüna sane ane ipucünuncubuma obi.

Filemón 1:7 Cross References

1 Corintios 16:18

uimia uxia tato nixhakionko, takanaintyo axaño. Taikiana uxia aboi ɨmo makiataka mañoñɨnka takana axɨna nakaxɨma.

2 Corintios 7:13

Tyone uixh taruku suipukɨnunku. Taruku suipukɨnunku ui nipukɨnunkuxti Tito, tyopiki aruku tato nuxia ɨmoti aboi.

2 Corintios 7:4

Champɨ anekana sobi amopɨnanaki nanaiña surapoi ausukarɨ. Ipukɨnunka nuxia aboi. Ui axɨna suichakisɨrɨkɨ aruku nuxia iñemo tarukuityo nipukɨnunku.

1 Tesalonicenses 1:3

Tusiu nuxia suiñemo nanaiña axɨna apisamute uixh apityusiankata ta apikokota nuraxti Tupax kuasɨrɨti aume, axtɨ autakisɨrɨka champɨ nɨmoche aboi, sɨsio año aɨbu narukux aume kɨmenuti Yɨriabux Jesucristo, sukarɨti Tupax naki Uyaɨ.

1 Tesalonicenses 2:13

Sane naukiche, auki somoñemantoe, taikiana supachampienka ɨmoti Tupax, tyopiki naukiche suburapoi ausukarɨ axɨba omixhia manityakax, axaño apasutiu takana nuraxti Tupax, chisiupɨ nura mañoñɨnka. Ñemanauntu ta tyone nuraxti Tupax, axɨbama ikokoromati uiti besɨro nisɨborikixhimia.

1 Tesalonicenses 2:19

Tyopiki, ¿ñakuti naki kɨmenuche supaxɨpera, naki uiche suipukɨnunka, sukarɨti Yɨriabux Jesucristo, axtɨ tɨkuatati tato? Ta axaño, champɨti kiatax.

1 Tesalonicenses 3:9

¿Kausane machampienka nuxia ɨmoti Tupax tyopiki axɨna yarusɨrɨx suipukɨnunku aboi sukarɨti Tupax?

2 Timoteo 1:16

Tari axti Tupax apukɨruti tyakuma axɨbama aɨtoxti Onesíforo, tyopiki taikiana ayetitɨ asaratiñɨ chikɨsobotipɨ ui axɨna yaka auna amanañɨmpo.

Filemón 1:20

Saruki Filemón, asamu nuxia iñemo, tapɨ aisamute chopikiñɨ aisamuse ui nakumananaunku ɨmoti Yɨriabux Jesús. Axɨkɨ isarukikɨ: ¡ache ipukɨnunkubuñɨ!

2 Juan 1:4

Taruku nipukɨnunku tyopiki aboma axɨbama isuñukama abaxɨpekuki isamutema nisɨborikixhimia isiuki axɨna ñemanauntu, takana yakɨpukuxti oemo Tupax naki Uyaɨ.