Efesios 3:8 - Manityanati Tupax

⁸ Axɨñɨ simiamañɨantai pɨnanaki namanaiña axɨbama ikokoromati Tupax. Samamekanañɨ uiti nauki suraboi sukarɨma axɨbama chɨtɨpɨ judíos axɨba omixhia manityakax axɨna ñakunusɨankakaxti Cristo, axɨba champɨti uiche aipiakɨmunkuti.

Manitanati Tuparrü

⁸ Arrüñü champü isane niyaca pünanaqui namanaiña bama icocoromati Tuparrü. Pero arrti Tuparrü itacümanauncunutiñü, nauqui yerotü esa bama chütüpü israelitarrü aübu na manitacarrü, na atusi ümoma arrüna ñacumanatarrti Cristo ümoma, arrüna champü tacanache.

Efesios 3:8 Cross References

San Lucas 14:22

Koboi pariu, nanti maniki kumanakax: ‘Yɨriabux, nanaiña isamute axɨna nakɨpuku iñemo, sɨrɨmanainki tɨmoka.’

San Juan 1:16

Ui axɨna nukuasɨrɨkɨ ɨmoti Tupax namanaiña basutiu axɨba ñakumanataxti taikiana ukurusɨka uiti.

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

Hechos 9:15

Nanti Yɨriabux ɨmoti: “Akosi, tyopiki samamekanati sobi maniki ñoñɨnx, nauki anityati sɨtɨpɨñɨ sukarɨ namanaiña axɨbama auki kiatax kɨx, sukarɨ mayɨriabuka axɨbamaintyo aɨtoxti Israel,

Romanos 11:33

¡Champɨ takanache axɨna nenaxixhti Tupax, chepe nipiakaxti chepetyo ñapanaunkuxti! Champɨti ɨmoche atusi nixhantɨmoti, champɨtityo iyebo uiti ñana asuputanenti nikutubiuxti.

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Romanos 2:4

Axɨkɨ chaxiankapɨ asuriu axɨna taruku nipukɨruxti Tupax atakukɨ, axɨna taruku nakuasɨrɨkɨ ɨmoti, chɨkontopɨ ane nɨmoche uiti naipɨnate. Chɨtusiupɨ aemo, axɨmanu nipukɨruxti uixh aiñokota nomɨnantɨ nauki aɨkatɨ esati.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 15:9

Axɨñɨ simiamañɨantai axɨpekuma axɨbama apóstoles, chɨkoñopɨtɨ iñemo sane nisɨri takana axɨmanuma makiataka, tyopiki tɨkañe ikuneunkama axɨbama ikokoromati Jesús.

1 Corintios 2:9

Sane takana nantɨ iku Nikorox: “Ane koñokono uiti Tupax ɨmoma axɨbama kuasɨrɨti ɨmoma axɨba champɨti astaiti, champɨtityo onkoiti, champɨtityo ane au ñakionkoxti.”

Gálatas 1:16

ui nipukɨruxti ityusiankatati Aɨtoxti sukarɨñɨ, nauki suraboi axɨba omixhia nuraxti axɨpekuma axɨbama chɨtɨpɨ judíos. Tapɨ axɨñɨ chiyakapɨtɨ xhankiyo pɨnanaki mañoñɨnka.

Gálatas 2:8

Sane axti Tupax naki uiche aikɨpuruti Peru tyone yachɨkoiti axɨpekuma axɨbama judíos, ikɨpurutiñɨntyo tyone niyachɨkoi axɨpekuma axɨbama chɨtɨpɨ judíos.

Efesios 2:7

Isamutenti sane nauki aityusiankati axɨna nipukɨruxti ñana yarusɨrɨxtyo nukuasɨrɨkɨ ɨmoti aɨbuti Jesucristo.

Efesios 3:1

Tyopiki axɨna sane, axɨñɨ Pablo, yaka auna amanañɨmpo tyopiki yaserebikia ɨmoti Cristo Jesús nauki uxia nausɨboriki axɨbama chɨtɨpɨ judíos.

Efesios 3:16

Xhankikia pɨnanakiti Uyaɨ aruki axɨmanu yarusɨrɨx nenaxixhti auki napes tari aityoximiati aume, au nabausasɨ, noñemaxti nikusɨuxtityo Espíritu Santo,

Efesios 3:19

Xhankikia pɨnanakiti Tupax nauki aye aboi axɨmanu ñakumananaunkuxti, ta taruku niyarusɨrɨkɨx pɨnanaki axɨna numapanaunku, nauki apisuputane ñapanaunkuxti Tupax.

Efesios 3:2

Axaño tɨtusiu aume uiti Tupax aikɨpurutiñɨ suraboi ausukarɨ axɨmanu nixhantɨmoti aisamunenti ta chapie ɨmo ñakumananaunkuxti, ananka koñokono uiti.

Filipenses 2:3

Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

Filipenses 4:19

Sane naukiche axti naki Tupax iñemo, toxio ñana uiti aume nanaiña axɨna champɨ aboi, takana axɨna niyarusɨrɨkɨ nenaxixhti abe uiti Cristo Jesús.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

1 Timoteo 1:13

Tɨkañe chuxiampatai sobi ɨmoti Jesucristo, taruku nixhunku ɨmoti. Tapɨti Tupax pukɨrusuti chakuñɨ, tyopiki axɨñɨ chisuputakatikipɨ Cristo chɨtusiupɨtyo iñemo isane axɨna isamute.

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

1 Timoteo 2:7

Axti Tupax ikɨpurutiñɨ suraboi axɨba omixhia manityakax sukarɨma axɨbama chɨtɨpɨ judíos. Axɨna sukanañɨ ta ñemanauntu, sane axtɨ oñonkatɨ ɨmoti Tupax. Ñemanaunkuxatoe sukanañɨ aume ta chixhapankapɨ.

2 Timoteo 1:11

Axti Tupax ikɨpurutiñɨ nauki suraboi axɨba omixhia manityakax ikɨpurutiñɨntyo yɨrotɨ isiuti nauki xhanuneka ɨmoma axɨbama chɨtɨpɨ judíos,

Apocalipsis 3:18

Sane naukiche sukanañɨ aemo apache nikiubukɨ nauki aye obi yesakiñɨ axɨna ñemanaunkuxatoe uixh ane enaxibokɨ. Tyopiki axɨna toxiobo sobi taruku nikuax, takana nikua oro chɨrɨriko oto pes. Axtɨ chaxiankapɨ asikia akɨsuasaka aɨbu nakɨso, asusiu axɨna purusubi aibibokɨ toxio sobi aemo, axɨmanuintyo nubatax uiche uxia tato nasɨto. Tyopiki sane asakatɨ tato.