Efesios 2:16 - Manityanati Tupax

¹⁶ Ui nikonkoxti Cristo kɨtɨpɨ kurusɨx, iñatai tyakɨru axɨmanu chuxiampatai osoi oemoampatoe axɨbama judíos takana axɨbama chɨtɨpɨ judíos. Takubaxio uiti kɨtɨpɨ kurusɨx axɨmanu chuxiampatai osoi oemoampatoe, uiti kunauntaña nusaka nauki taikiana uxia uiti Tupax oemo takanaintyo usaɨbuatoe.

Manitanati Tuparrü

¹⁶ Ui niconcorrti Cristo apü curusürrü tacürusu nitüborirrimia bama isaelitarrü ümo bama chütüpü israelitarrü. Chauqui turria nacarrüma aübumantoe y aübutito Tuparrü.

Efesios 2:16 Cross References

Romanos 5:10

Tyopiki axti Tupax naukiche tɨkañe chiyaupɨ nomɨnantɨ osoi ɨmoti, ane maximiakatax uiti oemo ityopiki nikonkoxti Aɨtoxti, sane naukiche uxia uiti Tupax oemo ityopiki nisɨborikixhti.

Romanos 6:6

Tusiu oemo axɨna nosɨboriki tɨkañe takubaxio kɨtɨpɨ kurusɨx chepeti Jesucristo, nauki ako axɨmanu nomɨnantɨ okɨtɨpɨki nauki tapɨ uisamutenki nomɨnantɨ.

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

Romanos 8:7

Axɨbama isamutema isiuki nixhantɨmo nikɨtɨpɨxɨma tyonema axɨbama chuxiampɨ uimia ɨmoti Tupax, tyopiki chixhanxɨpɨma aisamunema yakɨpukuxti Tupax.

1 Corintios 10:17

Champɨ nɨmoche axtɨ sɨrɨmana oñɨ, namanaiña ubaka auki axɨmanu kunauntaña pan, sane naukiche kunauntaña nakax osoi axɨmanu kɨtɨpɨx.

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

Efesios 2:15

Uiti Cristo iñatai au nityakɨrux axɨmanu bakɨpukux, ui noñemaxtiatoe isamutenti kunauntaña nakaxɨma mañoñɨnka.

Efesios 3:6

Axɨmanu nixhantɨmoti Tupax aisamunenti tyone axɨna: Aɨbuti Jesucristo, namanaiña mañoñɨnka ikuki kɨx nauki asuriuma, chepeti Cristo Jesús, axɨmanu toxiobo ɨmoma axɨmanu ɨriotɨ uiti Tupax ɨmoma axɨbama auki Israel.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

Colosenses 2:14

Axɨmanu bakɨpukux ananka korobo chuxiampɨ uixh oemo, tapɨti Tupax iñatati nityakɨrux ui nikonkoxti Cristo kɨtɨpɨ kurusɨx.

Colosenses 3:15

Tari axɨna nipukɨnunkuxti Cristo sɨsio au nabausasɨ, tyopiki ɨmo samamekana año uiti Tupax nauki apisamunaño kunauntaña kɨtɨpɨx, nauki apityusianka naupukɨnunku.