Biblia Todo Logo
Online nga Bibliya

- Mga paanunsiyo -




Efesios 2:12 - Manityanati Tupax

12 apakionsaño tɨkañe au pikiataka naskɨbeka axaño amonkaño champɨti Cristo aboi, amonkaño iche pɨnanaki axɨbama auki Israel, champɨityo axtɨ auchepe axɨmanu ñakionkoxti Tupax axɨmanuintyo ɨriotɨ tɨkañe uiti.

Tan-awa ang kapitulo Kopyaha

Manitanati Tuparrü

12 Ñemanauntu te arraño tücañe abaca iche pünanaquiti Cristo. Chüpertenecebopü año ümoti Tuparrü, tapü arrübama israelitarrü isuputaramati. Arrüna tratorrü uiti Tuparrü valeo tücañe ümomantai, tapü aume champü. Apaviviquia icu na cürrü champürrtü aparrüperaca amenotü au napese, y chapisuputacatipü Tuparrü.

Tan-awa ang kapitulo Kopyaha




Efesios 2:12
51 Cross References  

pukɨrusuti tyaku axɨbama kusɨnɨtaña tɨkañe chɨtakɨrusupityo ñakionkoxti ɨmo axɨmanu tratox uiti.


Abetyo pikiataka niyabu nobixhaka axɨba chɨtɨpɨ auki axɨna korax. Axɨmanio kuantionki sobi tauna omonkoityo ñana nisura, sane ñana chepe nubakax, tamantiatai naki asarabotɨ yutaku.


Axɨñɨ tyone axɨmanu nityakɨ uva, tapɨ axaño tyoneio axɨba niyupaka. Axti naki sɨsioti ichepeñɨ, axɨñɨntyo ichepeti, tyonenti takana nipia uva sɨrɨmana nɨtax. Axtɨ chiyakapɨ auchepe champɨ kokonobo aboi.


Axaño chɨtusiupɨ aume ñakuti ɨmoche apanau. Tapɨ axɨsomɨ tusiu suiñemo ñakuti ɨmoche supanau, ityopiki axɨna nautaesɨbuku eanaki nomɨnantɨ kuatɨ axɨpekukimia axɨbama judíos.


Tyopiki axɨna nanti tɨkañe ta aume ichepe axɨbama aubaɨtaiki, takanaintyo axɨbama xhanxti Tupax ataesɨbuma eanaki nomɨnantɨ ikuki nanaiña axɨna kɨx.


Sane naukiche xhaemeka abapa, nauki yasaraño xhanityaityo aupu. Tyopiki axɨna nubaxɨperaka axɨbama auki Israel, ityopiki axɨñɨ yaka auna ichomoenka ui karenax.


Axaño toxio ñana aume axɨmanu ɨriotɨ tɨkañe uiti Tupax axɨna urapoimia tɨkañe axɨbama profetas, toxioityo ñana aume axɨmanu nityɨratoxti Tupax aɨbuma axɨbama kusɨnɨtañama tɨkañe. Nanti Tupax ɨmoti Abraham: ‘Namanaiña axɨbama mañoñɨnka ikuki axɨna kɨx kurusɨoma ñana auki nakaxɨma axɨbama aɨtaiki.’


Axɨna sane nantɨ ta champɨti naki aɨtoxti Tupax tyopiki axɨma tyonema ikuki axɨnantai kɨx. Axɨbama isamutema noñemaxti Tupax tyonema Aɨtoxti,


Tɨkañe naukiche chausuputakatikipɨ Tupax, kumanakax año ɨmoma axɨbama chɨtɨpɨ matupaka.


Sane naukiche, chɨtɨpɨ auki kiatax kɨx año, chabakaikipɨ tyɨrɨpo pɨnanaki nikɨxti kaɨma abaka axɨpekuma axɨbama aɨtoxti Tupax.


champɨ isane ñapanaunkuxɨma, chiyebpopɨ uimia axɨmanu sɨborikixh kuatɨ esakiti Tupax, tyopiki champɨ nipiakaxɨma ui nityai nausasɨxɨma.


Axaño tɨkañe amonkaño iche pɨnanakiti Tupax chuxiampityo aboi au nabausasɨ ɨmoti, yotopiki axɨba chomixhampɨ apisamukio,


Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.


axaño apisamute sane nausɨboriki tyopiki, naukiche amonkoi axɨba ñemanauntu omixhia manityakax, tusiu nuxia aume isane axɨmanu aɨburu uiti Tupax aume au napes.


Masarukityaiki, suixhanka atusi nuxia aume kausane ñana aɨbuma axɨbama tɨkoiñoma, nauki tapɨ ausucheka isiuma, takana makiataka axɨbama champɨ kɨmenuche axɨperama.


tapɨ chɨtamampatai axɨna chuxiampɨ apisamute ɨmo takana isamutema axɨbama chisuputarapɨmati Tupax.


Axti Tupax naki Uyaɨ taruku nipukɨruxti. Sane naukiche taruku nukuasɨrɨkɨ ɨmoti, naki uiche champɨ nityakɨru nupukɨnunku ta ñemanauntu ñana ane maximiakatax oemo. Pɨnanakiti chepeti Yɨriabux Jesucristo xhankikia pɨnanakimia


Axɨñɨ Pablo, anankañɨ isiuti Cristo Jesús, bakɨpukux iñemo uiti Tupax, naki uiche utaesɨbuka eanaki nomɨnantɨ uitityo Cristo Jesús, naki kɨmenuche baxɨperaka,


otochebo uimia taruku nonko pes, añekanama aityabairoma ui kɨses, taruku nikusɨuxɨma naukiche taruku nikɨtakaxɨma, naukiche baiyoma yupu nikomesɨma taruku nikusɨuxɨma tyopiki iyeboma uimia axɨbama tɨborikomantai kuatama.


Sane, axti Tupax chɨmapañantipɨ, axɨmanu ɨriotɨ uiti takanaintyo axɨmanu nuraxti ta ñemanauntu. Ui axɨna sane upukɨnunka tyopiki uxianka nauki axti Tupax asaratitɨ utaku, saneityo aityoximiati oemo axɨmanu ɨriotɨ uiti.


Tapɨ axɨmanu yachɨkoboiboti Cristo uiti Tupax, naki yɨriabuxti ɨmoma axɨbama sacerdotes takanaintyo oemo, okɨmanati tyaku axɨmanu tratox uxia, axɨna champɨ takanache axɨba ɨriotɨ uixh oemo.


Auki nakaxti Cristo axaño apikokota nakaxti Tupax, naki uiche asɨboriti tato axɨpekuki makoiñoka, auki toxio ɨriakaboti au napes. Sane naukiche axaño amonkatɨ ɨmoti Tupax, tusiuityo aume ta ñemanauntu toxio ñana nanaiña axɨmanu ɨriotɨ tɨkañe uiti.


Uiñanaunati Tupax Yaɨtoti Yɨriabux Jesucristo, ui yarusɨrɨx nipukɨruxti kiatax kaɨma axɨna nosɨboriki tyopiki sɨborikoti tato Jesucristo. Tyone axɨna kɨmenuche baxɨperaka,


Apanau ɨmoti Cristo naki Yɨriabux au nabausasɨ. Taikiana amasankatɨ nuxia nauki apanuneka ɨmoma axɨbama xhanxɨma atusi ɨmoma axɨna kɨtɨpɨche napakokonaunku,


Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.


Sunda kami:

Mga paanunsiyo


Mga paanunsiyo