Efesios 1:22 - Manityanati Tupax

²² Nanaiña omeno uiti ñokiana nipopesti Cristo, Yɨriabuxti uiti ɨmoma nanaiña axɨbama ikokoromati Cristo.

Manitanati Tuparrü

²² Nanaiña arrüba abe icu na cürrü y au napese torrio mecuti Cristo uiti Tuparrü, naqui Señor ümo bama icocoromati, ta sane nirrancarrti Tuparrü.

Efesios 1:22 Cross References

San Mateo 16:18

Axɨñɨ sukanañɨ aemo axɨkɨ nɨri Peru, onɨ axɨna kanx atɨrai sobi nipo. Axɨna nikusɨu konkox champɨ kausane uixh ɨmo.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

1 Corintios 11:3

Ixhanka atusi aume axti Cristo tyonenti yɨriabuxti ɨmo mañoñɨnka, axtityo ñoñɨnx yɨriabuxti ɨmo nikɨpostoti, sane takanati Tupax Yɨriabuxti ɨmoti Cristo.

Efesios 3:21

¡Yarusɨrɨxti Tupax axɨpekuma axɨbama ikokoromati Jesús, yarusɨrɨxtityo aɨbuti Jesucristo, ɨmo nanaiña naskɨbeka! Amén.

Efesios 5:23

Tyopiki axti ñoñɨnx yɨriabuxti ɨmo nikɨpostoti, sane takanati Cristo Yɨriabuxti ɨmoma axɨbama ikokoromati, namanaiña tyonema nikɨtɨpɨxti. Tyonentityo naki uiche akaɨbuma eanaki nomɨnantɨ.

Colosenses 1:18

Tyonenti Cristo Yɨriabuxti ɨmoma axɨbama ikokoromati, tyoneintyo nikɨtɨpɨxti. Tyonenti naki kusɨrɨboti tɨkañe pɨnanaki nanaiña axɨba abe iku axɨna kɨx, tyonenti naki kusɨrɨboti asɨboriti tato, nauki tyonenti naki kusɨrɨboti aɨbu nanaiña.

Colosenses 1:8

Uiti atusi suiñemo kausane nausɨboriki, kausaneityo ui noñemaxti Espíritu Santo taruku napakumananaunku ɨmo makiataka.

Colosenses 2:10

uiti Cristo usuputane nɨriakaxti Tupax, Yɨriabuxti ɨmoma axɨbama espíritu ane nɨriakaxɨma.

Colosenses 2:19

Axɨma chabomampɨ chepeti Cristo, tyonenti naki Yɨriabux ɨmo namanaiña axɨbama ikokoromati Cristo tyonentityo naki uiche aruku ɨmoma naneneka. Torio uiti Cristo nanaiña ɨmoma axɨbama ikokoromati nanaiña axɨna nixhantɨmoma, oberabaramaintyo uiti takana axɨna nixhankaxti Tupax.

1 Timoteo 3:15

ɨmo axtɨ chɨkontopɨ iñanai tanu, ta tɨtusiu aemo kausane uisamune nosɨboriki axɨbama uikokokati Tupax, axɨbama uikokokati Tupax naki sɨborikoti, tyonema axɨbama okɨmanama tyaku axɨna ñemanauntu.

Hebreos 2:8

Nanaiña omeno obi ñokiana nipopesti.” Sane, axtɨ nanaiña omeno ñokiana nipopesti, axti Tupax xhanxti nauki nanaiña axɨba nisamukuxti apakokonau ɨmoti. Tyone axɨna kaɨmainki chubastaipɨ ñupakokonaunkux.