Apocalipsis 20:8 - Manityanati Tupax

⁸ sɨrotitɨ kaɨma atachemakati iku nanaiña kɨx ɨmoti Gog chepeti Magog, tarukapae nububikixhimia takana kɨosox abeuki narubaityu tux, oberabarama ñana uiti ɨmo baikixh.

Manitanati Tuparrü

⁸ Sürotitü caüma atachemacati ümo genterrü auqui nacioneca icuqui nanaiña cürrü. Batasuruti ümoti Gog y ümoti Magog, nauqui aiyoberabarioma nanaiña nacioneca, nauqui ahimia aübuti Tuparrü. Cütüpürrü nubiquirrimia tacana cüosorrü abeuqui narubaitu turrü.

Apocalipsis 20:8 Cross References

Hebreos 11:12

Sane naukiche axti Abraham naukiche tɨniyɨkɨx akonti, taruku nububikixhimia axɨbama aɨtoxti takana nububiki noxtoñeka iku napes takanaityo kɨosox abeu narubaityu tux, champɨti pueruxti aipiakɨmununkunuma.

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 16:14

Tyonema nausɨpɨ machoboreka, masamunuma axɨba champɨ tu bastai sɨromatɨ aiyoberabarama mayɨriabuka ikuki nanaiña kɨx ɨmo baikixh au axɨmanu yarusɨrɨx nanenes ñana ensɨmunu uiti Tupax axti naki champɨ takanache nɨriakaxti.

Apocalipsis 20:10

Tapɨti maniki chobores, uiche atapenema, penekoti au axɨmanu narubaityu pes aɨbu azufre, axɨmanu kauta peneko axɨmanu numukianx ichepeti maniki chɨtɨpɨ profeta. Akamanu ñana champɨ nityakɨru nityakisɨrɨkɨxɨma au sapes takanaintyo au tobixh.

Apocalipsis 20:3

Yarutaɨbutati au axɨmanu yarusɨrɨx kɨtubixh tomikianene, akamanu amanapo uiti, tomoeno uiti tyurux tapɨ sɨrotɨ atachemaka ɨmo mañoñɨnka iku kɨx chepe axtɨ tomenotɨ axɨmanio mil naskɨbeka, axtɨ tomenotɨ ñana emekana ñome mantukubatai naneneka.

Apocalipsis 7:1

Auki, yasakatɨ ɨmo axɨmanuma cuatro ángeles atɨraimia au cuatro nityoripiakɨka, iyaxitama axɨmanio cuatro makiɨtɨka, tapɨ bausukɨro iku kɨx ɨmo narubaityu tux ñomentyo soeka.