Apocalipsis 18:11 - Manityanati Tupax

¹¹ Axɨbamaintyo makomporarama chepe axɨbama mapabentekanama ikuki axɨna kɨx areoromaintyo sucheboma tyaku Babilonia tyopiki champɨki ñakusane makomporarabo nenaxixhimia:

Manitanati Tuparrü

¹¹ Arrübama macomercianteca areoroma ito, sucheboma itacu, itopiqui champütiqui manrrü naqui macomporara nenarrirrimia,

Apocalipsis 18:11 Cross References

San Mateo 22:5

Tapɨ axɨmanuma ane batasukux ɨmoma chikokotapɨma. Axti maniki taman sɨrotitɨ au niyoxti, axti kiatax sɨrotitɨ asaraiti nimonixhti,

San Juan 2:16

Nanti ɨmoma axɨmanuma mapabentekanama nututakikia: –¡Apikiaɨbusio aukina axɨba! ¡Tapɨ apisamute nipoxti Iyaɨ takana pox axɨna kauta nanaiñantai ane pabenteobo!

2 Pedro 2:3

Axɨmanuma mapañama anunekama taruku nixhankaxɨma ñana ane nimonixhimia iyebo ñana uimia monixh ui ñanunekakaxɨma aume axɨba ñapantuxɨma. Tapɨti Tupax tɨtane manityomokotox uiti ɨmoma aukiapae tɨkañe chañekanapɨma ñana ui axɨmanu nityakisɨrɨkɨxɨma.

Apocalipsis 18:15

Axɨmanuma mapabentekanama axɨmanio sane iyebo uimia ane taruku nenaxixhimia auki Babilonia, sɨsioma ñana icheatai ui nixhukuxɨma, ñɨnana nityakisɨrɨkɨxɨma, aɨbu nareoxɨma ui nisuchekixhimia,

Apocalipsis 18:20

Axɨkɨ napes, apukɨnu tyopiki axɨmanu yarusɨrɨx Babilonia. Aupukɨnu axaño, axɨbama apikokokati Tupax, axɨbama apóstoles tɨkañe axɨbamaintyo profetas, tyopiki axti Tupax, manityomokonoti ɨmo Babilonia tyopiki nanaiña axɨmanio nomɨnantɨ isamutema aume.

Apocalipsis 18:23

Chanantopɨ anentax auna ui basarux, chɨrabotɨpityo pukɨnunkux oboi tɨbɨbɨka. Tyopiki axɨbama mapabentekana nenaxixhimia tɨkañe aukina taruku nɨriakaxɨma iku axɨna kɨx, atachemakakaityo ɨmo namanaiña ui napichara.”

Apocalipsis 18:3

Au nanaiña kɨx isamutema nisɨborikixhimia isiukimia manaunumaintyo ɨmo axɨbama chɨtɨpɨ matupaka. Saneityo isamutema mayɨriabuka ikuki kɨx. Axɨbama mapabentekanama nenaxixhimia ikuki kɨx tarukapae kaɨma nenaxixhimia tyopiki tyone makomporara pɨnanakimia nanaiña ñome axɨba chomixhampɨ nixhantɨmo.”

Apocalipsis 18:9

Axtɨ Babilonia omo taruku nisuchekixhimia ñana mayɨriabuka ikuki axɨna kɨx areoroma tyaku. Axɨmanuma mayɨriabuka takana Babilonia, manaunuma ɨmoma axɨbama matupaka nisamuku mañoñɨnka sɨborikoma aɨbu taruku nenaxixhimia.