Apocalipsis 15:6 - Manityanati Tupax

⁶ Auki kuamatɨ axɨmanuma siete ángeles abe uimia axɨmanio siete matakisɨnɨmakakax. Tarukapae nikoñoko naibixhimia, kuaratai, ane nipoñoentoxɨma uxiante ui oro mapoñoenoma uixh chepe nityusixhimia.

Manitanati Tuparrü

⁶ Auqui tapo cuamatü manuma siete angelerrü bama uiche abetü manio siete taquisürücüca. Purusubi naibirrimia, bucuara. Poñoenoma ui oro.

Apocalipsis 15:6 Cross References

San Lucas 24:4

Chɨtusiupɨ ñome kausane ñupakionkox ui axɨna sane, isiukai umasaratɨ ɨmo tox mañoñɨnka atɨraimia yobesa, kuara nuxia naibixhimia.

Apocalipsis 1:13

Kɨmuintya axɨmanio kantreruka yasakati taman kanapaepɨ tyonenti Jesús, naibixhti abaesa iñatai ityɨ nipopesti mapoñoenoti saimia nityusixhti ui nipoñoentoxti uxiante ui oro.

Apocalipsis 14:15

Auki kuatati kiatax ángel auki nipoxti Tupax, kɨpurabo nuxia nityosibixhti ɨmoti maniki tɨmonsoti onɨ kɨsaɨbox: “¡Akubai ui nakɨse, aityakɨmanaunku nakiyo. Tyopiki tiñatai axɨmanu nanenes, axɨmanu nakiyo ikuki axɨna kɨx tɨchauki!”

Apocalipsis 14:17

Auki axti kiatax ángel kuatati auki nipoxti Tupax axɨna ane au napes, anentyo mekuti nikɨsesti otoro nuxia.

Apocalipsis 15:1

Auki yastai au napes axɨna champɨ tiyastai: axɨmanuma siete ángeles yupu axɨmanio siete tyakɨrux taruku takisɨrɨkɨx, axɨba oboiche iñatai tyakɨru nityɨborixhti Tupax.

Apocalipsis 19:8

chebo ɨmo uiti Tupax aiña kɨtɨpɨ axɨna koñoxtai naibixh, purusubi kuaratai, tyopiki axɨmanu naibixh tyone axɨna besɨro nisɨborikixhimia axɨbama champɨ nomɨnantɨ uimia.”