Apocalipsis 14:4 - Manityanati Tupax

⁴ Chɨmanaunupɨma ɨmoma axɨbama chɨtɨpɨ matupaka taruku ñakokonaunkuxɨma ɨmoti Tupax. Namanaiña sɨromatɨ isiu axɨmanu Nobixhax axɨna kauta sɨrotɨ, ane tɨkañe maximiakatax ɨmoma nauki tyonema axɨbama kusɨrɨboma makumanatax ɨmoti Tupax ɨmointyo axɨmanu Nobixhax.

Manitanati Tuparrü

⁴ Arrümanuma ciento cuarenta y cuatro mil, tonema bama champü causane nisüboriquirrimia yupu paüca tücañe auqui numo maübo nisunaunrrüma. Tonema bama champü nomünantü au nausasürrüma, maentañamatü isiu manu Nobirrama auna cauta sürotü. Arrüma taesüburuma uiti Cristo eanaqui macrirrtianuca. Sane nauquiche arrüma cusürüboma atorrmia tacana macumanatarrü ümoti Tuparrü y ümo manu Nobirrama (o sea ümoti Cristo).

Apocalipsis 14:4 Cross References

San Mateo 19:12

Sɨrɨmana axɨba yotopikiche chɨposopɨma mañoñɨnka: aboma axɨbama aukiapae mamesoma uixh kaɨma chɨposopɨma, aboma axɨbama mamesoma ui makiataka, tapɨ makiataka aboma takana axɨbama mamesoma ityopiki nɨriakax au napes. Naki iyebo uiti axɨna sane, tari aipiati ɨmo.

San Mateo 25:1

“Saneityo axɨmanu nɨriakax au napes takana axɨmanu uxiante aɨbu taman tɨbɨbɨx: diez kupikikia opikianio niyubasarux aɨbu aceite omenotɨ kɨmenuti maniki aɨbo apoti.

San Mateo 8:19

Auki sɨrotitɨ esati tamanti maniki manunekanati ɨmo bakɨpukux uiti Moisés, nanti ɨmoti: –Maestro, ixhanka yɨrotɨ asiukɨ au nanaiña kauta naɨkɨ.

San Juan 10:27

Axɨbama aboma isiuñɨ isuputaramañɨ, axɨñɨntyo isuputakama. Axɨma takana nobixhaka opisuputakai nuraxti naki asaratɨ yutaku, axtityo isuputariontiño. Axɨbama aboma isiuñɨ ikokotama nisura,

San Juan 12:26

Axtɨ abaxɨpekuki aboma axɨbama xhanxɨma aserebimia iñemo, tari aikokoma nisura. Kauta ñana niyaka akamanuintyo nakaxɨma axɨbama baserebioma iñemo, ane toxiobo ityobo uiti Iyaɨ ɨmoma.

San Juan 13:37

Axti Peru yachɨroti tatityo: –Axɨkɨ Yɨriabux, ¿kausane chiyɨkapɨtɨ tanu asiukɨ kaɨma? –¡Axɨñɨ toxio sobi nisɨboriki atakukɨ!

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

1 Corintios 16:15

Masarukityaiki, axaño tusiu aume axɨbama aɨtoxti Estéfanas auki Acaya tyonema axɨbama kusɨrɨboma aikokoromati Jesús, auki tyonema axɨbama baserebioma ɨmoma namanaiña axɨbama ikokoromati Jesús.

1 Corintios 6:20

tyopiki axɨmanu naukɨtɨpɨ uiti Tupax iyebo tato. Sane naukiche kaɨma apiñanaunsuti Tupax aɨbu naukɨtɨpɨ.

1 Corintios 7:28

Axtɨ apoka, chaisamutempɨ nomɨnantɨ. Axtɨ taman kupikixh poso, champɨityo axtɨ isamute nomɨnantɨ. Tapɨ axɨbama posoma takisɨrɨma ñana iku axɨna kɨx, tyone axɨna chixhankapɨ nauki asuriuma.

2 Corintios 11:2

Tyopiki axɨna nixhantɨmo autaku, tyone axɨna nixhantɨmoti Tupax. Axaño aupoka sobi aɨbuti kunauntañantiatai apikianaño, axti Cristo, ixhankaityo ityusiankanaño sukarɨti champɨ isane kiatax aukɨtɨpɨ takana taman kupikixh.

Efesios 1:14

Axti Espíritu Santo tyonenti kusɨrɨboti uiche atusi ta ñemanauntu toxio ñana axɨmanu ɨriotɨ uiti Tupax, axtɨ tɨtane maximiakatax ɨmo namanaiña oemo axɨbama aɨtoxti, nauki namanaiña machampienka tyopki yarusɨrɨx nɨriakaxti.

Efesios 5:27

Axti Cristo xhanxti akumanati ɨmotiatoe axɨbama ikokoromati taruku niyarusɨrɨkɨxɨma, axɨbama aboma iche pɨnanaki nomɨnantɨ besɨro nisɨborikixhimia, takana nusaibi axtɨ champɨ naxiometux nanaiña purusubi, champɨ naxchukixh.

1 Timoteo 4:3

Axɨbama mañoñɨnka chuxiampɨ ɨmoma axtɨ anati poso chuxiampityo ɨmoma axtɨ ubaka axɨba pikiataka nisamukuxti Tupax utuburiboma namanaiña axɨbama ikokoromati Tupax axɨbamaintyo isuputakaimia axɨna ñemanauntu, aɨbu ñachampienkakaxɨma ɨmoti.

Hebreos 12:23

akamanu chepema axɨbama kusɨrɨboma tɨkañe aɨtoxti Tupax axɨbama nɨrixhimia tɨkorobo au napes. Axaño amekatɨ esati Tupax, naki uiche ñana asaraiti ɨmo namanaiña, esaityo nausɨpɨxɨma axɨbama mañoñɨnka besɨro nisɨborikixhimia uiti Tupax,

Santiago 1:18

Axti Tupax sane nixhankaxti, toxio uiti osɨborikibo oboi axɨmanio ñemanauntu nuraxti, nauki axoñɨ ukusɨrɨka yupu nanaiña axɨba nisamukuxti.

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

Apocalipsis 17:14

Auki ñana axɨmanu numukianx chepe axɨmanuma diez mayɨriabuka baiyoma aɨbu Nobixhax, tapɨ axɨmanu Nobixhax chepema axɨmanuma aboma isiu tapenekoma uimia. Tyopiki axɨmanu Nobixhax Nɨriabux ɨmo mayɨriabuka.”

Apocalipsis 21:22

Chiyastaipɨ nipoxti Tupax kauta abe axɨmanio poka, tyopiki axti Tupax naki taruku nɨriakaxti, tyone nipoxti, nipoityo axɨmanu Nobixhax.

Apocalipsis 21:23

Axɨmanio poka champɨ nɨmoche oboi sux chepe panx nauki anentax oboi akamanu, tyopiki anentax ui nanentakaxti Tupax, nibiasaruxti tyone axɨmanu Nobixhax.

Apocalipsis 3:4

Aboma akamanu au Sardes mantukubumantai axɨbama chisamutempɨma axɨna chuxiampɨ. Sane naukiche, aboma ñana chepeñɨ aɨbu naibixhimia purusubi, tyopiki axɨma koñotɨ ɨmoma.

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.