Apocalipsis 14:2 - Manityanati Tupax

² Auki ñonkoi taman nikɨpurax kuatɨ auki napes. Takana nikɨpura nosɨkɨ yarusɨrɨx yotobɨratax, takanaintyo nikɨpura mapaesox. Tyoneantoe takana axtɨ masɨmununuma sɨrɨmana taboxioka.

Manitanati Tuparrü

² Auqui rabotü auqui napese arrümanu tacanarrtü arrone osüro turrü o arrtü süuru. Tacana arrone mutañecana sürümana violín.

Apocalipsis 14:2 Cross References

1 Corintios 13:1

Axtɨ ipiaka nuraxɨma mañoñɨnka nuraxɨmaintyo axɨbama ángeles, axtɨ champɨ nikuasɨrɨkɨxɨma iñemo makiataka, axɨñɨ yaka takana axone yerux tañeno.

Apocalipsis 1:10

Akamanu au axɨmanu tɨkañe nanenes ɨmoti Tupax, kiatax nisɨboriki (ane sɨtɨpɨñɨ noñemaxti Espíritu Santo). Auki ñonkoi chakuñɨ tato taman tosibixh tarukapae nikusɨux, takana nipuku buxixh.

Apocalipsis 1:15

Nipopesti bukuara takana bronce kɨmɨtonono, chɨrɨriko ui pes. Nityosibixhti kɨpurabo takana nosɨkɨ yotobɨratax.

Apocalipsis 11:12

Auki axɨmanuma toxɨma urapoimia noñemaxti Tupax onkoimia tosibixh auki napes, nantɨ sane ɨmoma: “¡Ausiapata tauna!” Auki sɨromatɨ au napes iku taman kɨsaɨbox, sukarɨma namanaiña axɨmanuma chuxiampɨ uimia ɨmoma.

Apocalipsis 11:15

Axti maniki kiatax ángel ipunutati nibuxixhti, auki rabotio tosibikia au napes, monantɨ sane: “Nɨriakax ikuki axɨna kɨx tyone nesaxti Tupax chepeti Aɨtoxti axti Mesías, yɨriabuxɨma ñana ñome nanaiña naskɨbeka.”

Apocalipsis 15:2

Yastaityo kiatax takana narubaityu tux anentaxtai pɨrɨkɨ aɨbu pes eana. Esa axɨmanu narubaityu tux anentaxtai pɨrɨkɨ amonkoma atɨraimia, yupu nityaboxioxɨma axɨba botoxio uiti Tupax ɨmoma, axɨbama chɨtapenekopɨma ui axɨmanu yarusɨrɨx numukianx axɨmanuintyo nausɨpɨtux, axɨmanuintyo nikoro nɨrixh.

Apocalipsis 18:22

Chanantopɨ rabotɨ tato yusiu nakutubiu sonixh aɨbu arpa, aɨbu buxikia, chanantopɨ aboma tato mañoñɨnka axɨbama sɨrɨmanatai yachɨkoimia, chɨrabopɨtɨkityo ñana auna batubaxikixh.

Apocalipsis 5:8

Aɨbapae aiñenti axɨmanu kichonimiakax kiñoeno, axɨmanuma cuatro sɨborikoma chepe axɨmanuma veinticuatro mayɨriabuka bachesoiyoma esa axɨmanu nobixhax. Namanaiña ane nityaboxioxɨma, abetyo mekuma nichapoxɨma omixhante ui oro ubataso ui incienso, tyone axɨna neankaxɨma axɨbama champɨ nipɨnatema.

Apocalipsis 6:1

Auki yastai axɨmanu Nobixhax ikiompɨnata axɨmanu taman nityomoentox uturuki axɨmanio siete, ñonkoi tamanti axɨpekukimia axɨmanuma cuatro sɨborikoma nanti auki nityosibixhti takana nisɨux: “¡Ariaku!”

Apocalipsis 8:7

Axti maniki kusɨrɨboti ángel ipunutati nibuxixhti, auki bupakio auki napes noñoka aɨbu pes korauru aɨbu notox. Omo kɨmuintya pɨrɨkɨ nikɨmuintya kɨx, chepetyo kɨmuintya pɨrɨkɨ nikɨmuintya soeka nanaiñaintyo naxchopɨro.