Apocalipsis 13:5 - Manityanati Tupax

⁵ Cheboityo ɨmo axɨmanu yarusɨrɨx numukianx nauki anitya axɨba chɨsamianapɨ ɨmoti Tupax, nauki anentyo nɨriakax ñome kuarenta y tox panka.

Manitanati Tuparrü

⁵ Torrio ito ümo manu numuquianrrü nauqui puerurrü anitane arrüba chomirriampü ümoti Tuparrü aübu nentonauncurrü. Sane uirri ñome cuarenta y dos panca.

Apocalipsis 13:5 Cross References

2 Tesalonicenses 2:3

Tapɨ chebo aboi anati matachemakana aume. Axɨmanu nanenes ñana chɨkuapɨtɨ chepe axtɨ atɨraimia kutakikiboti Tupax axɨmanuma chuxiampɨ uimia ɨmoti akamanu ityusiankanatiyɨ maniki ñoñɨnx champɨ nikoñoko nisɨborikixhti, naki toxiobo ɨmo nikonkoxti.

2 Tesalonicenses 2:4

Axti maniki ñoñɨnx chuxiampɨ uiti ɨmoti Tupax ɨmointyo nanaiña axɨna samamekana ɨmoti Tupax. Ui nunkuxti, iñatatityo nityɨmoxti au nipo meankax ɨmoti Tupax, nantityo ñana ta tyonenti naki Tupax.

2 Tesalonicenses 2:8

Auki kaɨma kuatati maniki chuxiampɨ nisɨborikixhti, tyonenti naki iñaxioti ui yasukɨkɨ naruxti Yɨriabux Jesús auki champɨ nakaxti maniki ñoñɨnx axtɨ kuatati tato aɨbu nanentakaxti.

Apocalipsis 11:7

Axtɨ tiñatai tyakɨru aɨbu axɨmanu nixhakɨpuku ɨmoma uraboimia, axɨmanu yarusɨrɨx numukianx kuatɨ auki axɨmanu kɨtubixh tomikianene baiyo aɨbuma, auki koiñoma uixh.

Apocalipsis 12:14

Tapɨ axɨmanu paɨx botoxio ɨmo tox posɨrɨmanaka nipia nutamonxixh, nauki aso aɨrotɨ kauta ananka kauta champɨ sɨborikixh, iche pɨnanaki axɨmanu noixhobox, kauta asaramatɨ tyaku ñome trex naskɨbeka kɨmuintya pɨrɨkɨ.

Apocalipsis 12:6

Auki axɨmanu paɨx besɨburu kauta axɨna champɨti po'oso, akamanu axti Tupax koñokono uiti kauta asapanema ñome axɨmanio mil doscientos sesenta naneneka.

Apocalipsis 13:7

Cheboityo ɨmo nauki aɨrotɨ ɨmo baikixh aɨbuma axɨbama ikokoromati Tupax, sane isamutenti nixhantɨmoti aɨbuma. Toxioityo ɨriakabo ɨmo namanaiña mañoñɨnka ikuki axɨna kɨx.