Apocalipsis 12:4 - Manityanati Tupax

⁴ Ipusanakanio iku kɨx trex kɨmuintya pɨrɨkɨ axɨmanio nostoñeka auki napes ui niyox. Axɨmanu numukianx tochenko esa axɨmanu paɨx tɨniyɨkɨx ane meku, nauki arati ipiaɨmakax axtɨ tɨtanati iku kɨx.

Manitanati Tuparrü

⁴ Ipusanacanio tercera parterrü nostoñeca auqui napese icu cürrü ui niyorrü. Atürai esa manu paürrü, tone rranrrü ane mecu. Barrüperara ümo, na ane mecu, nauqui arati ipiaümacarrü.

Apocalipsis 12:4 Cross References

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

1 Pedro 5:8

Amasasatɨ nuxia kɨmenu axɨna kuabotɨ aume, tyopiki axti naki chuxiampɨ uiti aume axti chobores anati takana nuitɨmɨx kɨrɨpɨo bapachero utuburibo.

Apocalipsis 12:7

Auki ane yarusɨrɨx baikixh au napes: axti Miguel chepema axɨmanuma nesaxti ángeles baiyoma aɨbu axɨmanu yarusɨrɨx noixhobox. Axɨmanu noixhobox aɨbuma axɨbama nesax ángeles baiyoma,

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 13:2

Axɨmanu yarusɨrɨx numukianx yastai, tyoneantoe naka nuitɨmɨx. Axɨba nipopes takana nipope nupaichabixh, narux takana naru nuitɨmɨx. Axɨmanu noixhobox ityoximiata ɨmo axɨmanu yarusɨrɨx numukianx nɨriakax aɨbu axɨmanu nityɨmox.

Apocalipsis 13:4

Manaunuma ɨmo axɨmanu noixhobox tyopiki toxio uixh ɨriakabo axɨmanu yarusɨrɨx numukianx, auki manaunumaintyo ɨmo axɨmanu yarusɨrɨx numukianx, namatɨ sane: “¿Ñakutipɨ anati takana axɨna yarusɨrɨx numukianx, ñakutipɨ xhanxti aiti aɨbu?”

Apocalipsis 16:13

Auki yasakatɨ kuatɨ auki narux axɨmanu noixhobox, auki narux axɨmanu numukianx aukityo naruxti maniki mapañati profetati, kuantio tanene trex machoboreka takana nuxapakaka nakaxɨma.

Apocalipsis 17:18

Axɨmanu astai paɨx tyone axɨmanu yarusɨrɨx kauta sɨrɨmana poka, axɨma makokonauma ɨmo namanaiña mayɨriabuka ikuki axɨna kɨx.”

Apocalipsis 20:2

Axti maniki ángel eno uiti axɨmanu noixhobox, axɨmanu chaɨbopɨ nakax ta tyonenti chobores, auki tomoeno uiti ñome mil naskɨbeka.

Apocalipsis 8:10

Axti maniki kiatax ángel ipunutati nibuxixhti, taman yarusɨrɨx nostoñes, omo takana taman basarux, pakio auki napes omonɨ kɨmuintya pɨrɨkɨ nikɨmuintya nusɨruka chepe nantaityuka.

Apocalipsis 8:11

Axɨmanu nostoñes nɨrixh pichananekixh. Auki kɨmuintya pɨrɨkɨ nikɨmuintya axɨba tuka mopichananene, oboi axɨmanio tuka mopichananene sɨrɨmanama koiñoma.

Apocalipsis 8:12

Axti maniki kiatax ángel ipunutati nibuxixhti, auki mameso kɨmuintya pɨrɨkɨ nikɨmuintya sux, kɨmuintya pɨrɨkɨ nikɨmuintya panx kɨmuintya pɨrɨkɨ nikɨmuintya nostoñeka. Sane naukiche kɨmuintya pɨrɨkɨ niñokɨmuintyax sɨsio tomikianene, chɨbukuarapɨ kɨmuintya pɨrɨkɨ nikɨmuintya sapes chepe tobixh.

Apocalipsis 8:7

Axti maniki kusɨrɨboti ángel ipunutati nibuxixhti, auki bupakio auki napes noñoka aɨbu pes korauru aɨbu notox. Omo kɨmuintya pɨrɨkɨ nikɨmuintya kɨx, chepetyo kɨmuintya pɨrɨkɨ nikɨmuintya soeka nanaiñaintyo naxchopɨro.

Apocalipsis 8:8

Axti maniki kiatax ángel ipunutati nibuxixhti, auki pakio au narubaityu tux takana yirityux omo ui pes. Auki axɨmanu kɨmuintya pɨrɨkɨ nikɨmuintya narubaityu tux isamunɨ notox.

Apocalipsis 8:9

Kɨmuintya pɨrɨkɨ nikɨmuintya axɨmanio bosɨboriko au narubaityu tux mokoiño, kɨmuintya pɨrɨkɨ nikɨmuintya axɨmanio canoa omiñaxio.

Apocalipsis 9:10

Kutaku nobiyox ane nomeampox takana nomeampo nupataka, yokɨtɨpɨ ane axɨna uiche ane niyupacheux ɨmo mañoñɨnka ñome cinco panka.

Apocalipsis 9:19

Tyopiki axɨmanu nobɨriakax axɨmanio kabayuka ane au nubarux kɨtɨpɨtyo nobiyox. Tyopiki axɨmanio nobiyox takana noixoboka, ui niñutanux ane niyupacheux ɨmo mañoñɨnka.