Apocalipsis 1:16 - Manityanati Tupax

¹⁶ Au nepanaunku ne'esti abe siete nostoñeka, aikiti kuatɨ tanene taman kɨses ñaupaña nuxia, otoro tox nabeux. Nisuxti kuara takana nikua sux axtɨ ane kɨmuitya napes.

Manitanati Tuparrü

¹⁶ Au nepanauncu neherrti abe siete nostoñeca. Ahiquiti tusio taman cüsese ñaupaña nurria, torrücaü nohorrü. Nisurrti cuara tacana nicuaca surrü, arrtü urria napese.

Apocalipsis 1:16 Cross References

San Mateo 17:2

Akamanu, sukarɨma, somoso nakaxti Jesús. Nisuxti kuara takana sux, tapɨ naibixhti purusubi takana nanentax.

Hechos 26:13

Naukiche tɨsaimia kɨmuintya sapes, yarusɨrɨx yɨriabux, naukiche niyɨkɨ isiu kutubiux, yastai kuara auki napes taruku nanentakax pɨnanaki sux, kuara chupekuñɨ ɨmo axɨmanumaintyo amonkoma chepeñɨ.

Efesios 6:17

Axɨna maximiakatax tari tyone axɨna okɨmanabo tyaku nautanu, tari axɨna nuraxti Tupax tyone axɨna sɨrɨmanax naukɨse axɨna toxio aume uiti Espíritu Santo.

Hebreos 4:12

Tyopiki nuraxti Tupax sɨboriko ta anentyo nɨriakax. Otoro nuxia takana taman kɨses obotoro tox nabeux, sɨrotɨ au nanaiña nokɨtɨpɨ au nuyausɨpɨ sɨrotityo au nanaiña axɨna nixhantɨmo aisamune nuyausasɨ.

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

Apocalipsis 10:1

Auki yasakatɨ ɨmoti kiatax ángel taruku nɨriakaxti, kuatati auki napes eana taman kɨsaɨbox. Ane taman nixhixh onɨ nityanuxti, nisuxti kuara takana sux nityapaxti takana nompakɨoka pes nubakax.

Apocalipsis 12:1

Auki tusiu au napes axɨmanu tarukapae nityabaikixh: taman paɨx kiñoeno ui sux takana ui naibixh, aɨbu panx ñokiana nipopes ane nityarusɨx doce nostoñeka itya.

Apocalipsis 19:15

Kuatɨ aikiti taman kɨses otoro nuxia, uiche obɨri uiti ɨmo mañoñɨnka ikuki axɨna kɨx. Bakɨpuruti ñana ɨmoma aɨbu yerux mekuti. Uixhtiatoe ñana aityaichometi axɨmanu uva nauki aikiaɨbuti axɨmanu vino tyone axɨna takana tarukapae nityɨborixhti Tupax naki taruku nɨriakaxti.

Apocalipsis 19:21

Tapɨ axɨmanuma makiataka koiñoma ui axɨmanu kɨses kuatɨ aikiti maniki anati chaku kabayux purusubí, nanaiña axɨmanio paxupakikia ubabeko nuxia ui nañetuxɨma.

Apocalipsis 2:1

“Akonomo ɨmoti ángel auki Éfeso kauta aboma axɨbama ikokoromañɨ: ‘Tyone nuraxti maniki abe siete nostoñeka au nepanaunku ne'esti amenkotityo omeana axɨmanio siete kantreruka omixhante ui oro:

Apocalipsis 2:12

“Akonomointyo ɨmoti maniki ángel auki Pérgamo kauta aboma axɨbama ikokoromañɨ: ‘Sane nuraxti maniki ane kɨses uiti otoro tox nabeux:

Apocalipsis 2:16

Sane naukiche ariaku tato esati Tupax. Axtɨ chaisamutempɨ sane, konto yɨkatɨ ñana tanu aesakɨ, aɨbu axɨmanu kɨses kuatɨ saikiñɨ nauki xhai aɨbuma.

Apocalipsis 3:1

“Akonomo ɨmoti maniki ángel auki Sardes kauta aboma axɨbama ikokoromañɨ: ‘Axti maniki aboma uiti siete espíritu auki napes, axɨmaniointyo siete nostoñeka, ukanɨ sane: tusiu iñemo nanaiña axɨba aisamukio, tusiuityo iñemo ta chauki takonka axɨna asɨborikiaiki.