1 Juan 4:17 - Manityanati Tupax

¹⁷ Axtɨ ñemanauntu kuasɨrɨma oemo axɨbama usarukityaiki, axtɨ osɨborikiaityo takana nisɨborikixhti Cristo tɨkañe iku axɨna kɨx, champɨ ñɨnanache uixhu axtɨ tɨkuatati tato Jesús ñana asaraiti ɨmo namanaiña.

Manitanati Tuparrü

¹⁷ Arrtü cuasürüti Tuparrü oemo, champü nuirrucu ñünana manu nanenese nesa bacurrtacarrü ñana, itopiqui urria nosüboriqui icu na cürrü, tacana nisüboriquirrti Cristo tücañe.

1 Juan 4:17 Cross References

San Mateo 10:15

Ñemanauntu sukanañɨ aume au axɨmanu tyakɨrux nanenes ñana axɨmanu manaityomokotox ɨmoma tarukapae pɨnanaki axɨmanuma auki Sodoma ichepe Gomorra.

San Mateo 10:25

Axti naki ununekanati tari uxia ñakionkoxti axtɨ iyebo uiti takanati naki uiche aiñununekanati, tapɨti naki kumanakax takanati naki ɨmoche aserebiti. Axtɨ namatɨ Beelzebú ɨmoti naki yarusɨrɨx au taman pox, ¿urapɨma sane ɨmo axɨbama aɨtoxti?

San Mateo 11:22

Au axɨmanu tyakɨrux nanenes ñana taruku nautakisɨrɨkɨ pɨnanakimia axɨbama auki Tiro ichepe Sidón.

San Mateo 11:24

Tapɨ axɨñɨ sukanañɨ aemo au axɨmanu tyakɨrux nanenes ñana taruku natakisɨrɨkɨ pɨnanaki axɨmanuma auki kɨx Sodoma.”

San Mateo 12:36

Sukanañɨ aume au axɨmanu tyakɨrux nanenes ñana namanaiña urabomakɨ ñana tyopiki chuxiampɨ nuraxɨma kɨtɨpɨ makiataka.

San Juan 15:20

Apakionsaño axɨna surapoi ausukarɨ: ‘Champɨti kumanakax taruku nɨriakaxti pɨnanakiti maniki ɨmoche aserebiti.’ Axtɨ anankañɨ xhatanekaka ñɨnanama, axañointyo apatanekaka ñana ñɨnanama. Axtɨ onkoimia nisura, onkoimiaintyo ñana nabura.

San Juan 17:22

Toxio sobi ɨmoma axɨbama aboma isiuñɨ ɨriakaboma takana axɨmanu toxio obi iñemo, ui nixhanka nauki sɨsioma chepe nakaxɨma takana axɨñɨ achepekɨ tamantai nusaka.

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

Hebreos 9:27

Sane takana namanaiña tamantai ñana nikonkoxɨma, auki kuatɨ ñana axɨmanu tyakɨrux ɨmoma namanaiña,

Santiago 2:13

Tyopiki axti Tupax chɨpukɨrusutipɨ ñana tyakuma axɨbama chipukɨrusupɨma tyaku makiataka. Tapɨ axɨbama pukɨrusuma tyakuma makiataka, axtityo Tupax pukɨrusuti tyakuma ñana.

Santiago 2:22

Sane astai nisɨborikixhti Abraham axɨmanu ñakokonaunkuxti tusiu oboi axɨba isamutenti, oboi axɨba isamutenti besɨro axɨmanu ñakokonaunkuxti.

2 Pedro 2:9

Axti Tupax añekanama uiti pɨnanaki makokotox axɨbama onkomatɨ ɨmoti, tapɨ axɨbama chuxiampɨ nisɨborikixhimia sɨsioma uiti ɨmo nityakisɨrɨkɨxɨma kɨmenu axɨmanu tyakɨrux nanenes ñana.

2 Pedro 3:7

Axɨna napes chepe axɨna kɨx kaɨma, omiñaxio ñana ui pes tyopiki sane yakɨpukuxti Tupax. Ui axɨmanu pes ɨroma ñana au axɨmanu tyakɨrux nanenes axɨbama chuxiampɨ nisɨborikixhimia axtɨ tastaiti nisɨboriki namanaiña.

1 Juan 2:28

Sane kaɨma masaɨtaiki, abasikia chepeti Cristo, sane axtɨ kuatati tato oñonkatɨ ɨmoti tapɨ ane uiche okɨso ñɨnanati.

1 Juan 2:5

Tapɨti naki ikokotati yakɨpukuxti Tupax, tyonenti naki makumananaunxti takana ñakumananaunkuxti Tupax tyonenti naki ñemanauntu isuputarati Tupax.

1 Juan 2:6

Axti naki nanti anati chepeti Tupax, tari aisamunenti nisɨborikixhti takana nisɨborikixhti Jesucristo.

1 Juan 3:1

Amasasai taruku nukuasɨrɨkɨ ɨmoti Tupax naki Uyaɨ, sane naukiche makiataka namatɨ oemo aɨtoxti Tupax oñɨ, ñemanauntu axɨna namatɨ. Axɨbama ikuki axɨna kɨx chisuputarapɨma oñɨ, tyopiki chisuputarapɨmati Tupax.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.

1 Juan 3:7

Masaɨtaiki, tapɨ anati matachemakana aume: axti naki isamutenti axɨna uxia tyonenti naki uxia nisɨborikixhti, takanati Jesús.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.