1 Corintios 1:2 - Manityanati Tupax

² xhakonomoka ɨmoma axɨbama ikokoromati Tupax axɨbama aboma au Corinto, axɨbama au nɨrixhti Jesucristo kurusɨoma ɨmoti Tupax, tasuruma nauki tyonema aɨtoxti tapɨ ane nipɨnatema chepe namanaiña axɨbama ñemanauntu ikokotama nuraxti Yɨriabux Jesús, tyonenti Yɨriabuxti ɨmoma takanaintyo oemo.

Manitanati Tuparrü

² Supaconomoca ümo bama icocoromati Tuparrü au manu pueblurrü Corinto. Nirraquionco tanu aume, bama ausamamecaca ümoti Tuparrü, itopiqui apicococati Jesucristo. Arrti Tuparrü rranrrti nauqui urria nausüboriqui ichepe namanaiña bama urapoimia nürirrti Señor Jesucristo, naqui Señor ümoma y oemo ito.

1 Corintios 1:2 Cross References

Hechos 10:36

Axti Tupax manityanati ɨmo axɨbama po'osoma auki Israel, urapoiti sukarɨma axɨba omixha manityakax axɨna uiche uxia uimia ɨmomantoe, uiti Jesucristo naki Yɨriabux ɨmo namanaiña.

Hechos 15:9

Ɨmoti Tupax chepatai nakaxɨma takana nusaka, tyopiki moximiakanaintyo uiti ɨmoma axɨba nomɨnantɨ uimia ui axɨna ikokoromati.

Hechos 18:1

Pɨrɨkɨ nanaiña axɨna sane, sɨrotitityo Pablo auki Atenas niyɨkɨxti au Corinto.

Hechos 22:16

Tapɨ kaɨma, isane naxɨperatio. Atɨsai, nauki ɨrikia sane sɨrɨbu akɨtɨpɨkikɨ nomɨnantɨ, urasoi nuraxti Tupax.’

Hechos 26:18

Ikɨpukɨ axɨpekuma nauki aiyaɨbu nisɨtoxɨma nauki tapɨ amenkomainki au tomikianene, tari amenkoma au nanentax. Nauki ataesɨbuma pɨnanaki nɨriakaxti chobores, nauki aɨromatɨ isiuti Tupax. Sane aikokoromañɨ nauki asuriuma maximiakatax ityopiki axɨna nomɨnantɨ uimia nauki asuriumaintyo ñana nikuaxɨma kauta nakaxti Tupax.’

Hechos 9:13

Naukiche onkoiti Ananías axɨna sane manityakax, nanti: “Yɨriabux, sɨrɨmanama urapoimia sukarɨñɨ nisɨborikixhti maniki ñoñɨnx, nanaiñaintyo axɨba nomɨnantɨ isamutenti au Jerusalén ɨmo axɨbama ikokoromakɨ.

Hechos 9:14

Ta kaɨma iñataitityo auna, yakɨpukuxɨma ɨriatu axɨbama sacerdotes, nauki atomoema uiti axɨbama manityanama au nɨri.”

Hechos 9:21

Namanaiña axɨmanuma amonkoma akamanu kɨtobɨsoma ui axɨna nuraxti, namatɨ: –¿Kanapaemo axti maniki anankati isiu axɨbama urapoimia nɨrixhti Jesús au Jerusalén? Tyonenti naki kuatati tauna nauki aɨromatɨ uiti tomoenoma au Jerusalén, esama ɨriatuxɨma axɨbama sacerdotes.

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

Romanos 10:12

Tyopiki chepatai nikuaxɨma axɨbama judíos takana axɨbamaintyo chɨtɨpɨ judíos. Tyopiki axti naki Yɨriabux tyonenti Yɨriabux ɨmo namanaina axɨbama akionomakɨ ɨmoti.

Romanos 3:22

isiuki axɨna uikokokati Jesucristo, uiti Tupax kicheseña nakaxɨma namanaiña axɨbama ikokotama.

Romanos 8:28

Tusiu oemo axti Tupax toxio uiti nanaiña nixhantɨmoma axɨbama kuasɨrɨti ɨmoma, axɨbama ane batasukux ɨmoma uiti nauki aisamunema axɨna nixhantɨmoti.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

1 Corintios 10:32

Tapɨ apisamute axɨna chuxiampɨ sukarɨ makiataka. Sukarɨ axɨbama judíos, sukarɨma axɨbama chɨtɨpɨ judíos, axɨbamaintyo ikokoromati Tupax.

1 Corintios 12:27

Sane naukiche, axaño tyone nikɨtɨpɨxti Cristo, taikianati taman abaxɨpekuki ane yachɨkoboibotiatoe.

1 Corintios 8:6

oemo anati kunauntañatiatai Tupax, naki Uyaɨ. Axti naki uiche ɨmotityo aisamunenti nanaiña axɨba abe iku axɨna kɨx.

2 Corintios 1:1

Axɨñɨ Pablo, yaka isiuti Jesucristo ui noñemaxti Tupax, axtityo usaruki Timoteo, supakionko ɨmoma axɨbama ikokoromati Tupax au Corinto, ɨmomaintyo namanaiña axɨbama ikokoromati Tupax axɨbama aboma au Acaya.

2 Corintios 4:5

Chɨsupanunekakapɨ suisɨtɨpɨatoe, ta supanunekaka kɨtɨpɨti Jesucristo naki Yɨriabux oemo, suburapoi nuxia ausukarɨ axɨsomɨ kumanakax somɨ aume ui nikuasɨrɨkɨxti Jesús suiñemo.

Gálatas 1:2

chepema namanaiña axɨbama usarukityaiki supakionko tanu aume axɨbama ikokoromati Jesús au Galacia.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

1 Tesalonicenses 1:1

Masarukityaiki axɨbama ikokoromati Jesucristo auki Tesalónica: Axɨñɨ Pablo, chepeti Silvano, axtityo Timoteo, supakionko tanu aume axɨbama apikokokati Tupax axtityo Yɨriabux Jesucristo. Tari aukurusɨka uiti Tupax taikianaintyo aixhimiakati nomɨnantɨ aboi.

1 Tesalonicenses 4:7

Tyopiki axti Tupax chityasurutipɨ oñɨ nauki uisamune nosɨboriki yupu nomɨnantɨ, ta nauki besɨro nosɨboriki.

2 Tesalonicenses 1:1

Masarukityaiki axɨbama ikokoromati Jesús auki Tesalónica: Axɨñɨ Pablo, axti Silvano axtityo Timoteo, supakionko tanu aume axɨbama aɨtoxti Tupax naki Uyaɨ axtityo Yɨriabux Jesucristo.

1 Timoteo 2:8

Sane naukiche ixhanka nauki au nanaiña mañoñɨnka tapɨ uratokiomantai ɨmomantoe, tapɨ tɨborikomantai, ityobo axɨna sane tari uxia nisɨborikixhimia taikianaintyo eama.

1 Timoteo 3:15

ɨmo axtɨ chɨkontopɨ iñanai tanu, ta tɨtusiu aemo kausane uisamune nosɨboriki axɨbama uikokokati Tupax, axɨbama uikokokati Tupax naki sɨborikoti, tyonema axɨbama okɨmanama tyaku axɨna ñemanauntu.

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.

2 Timoteo 2:19

Tapɨti Tupax sɨro uiti axɨna nityɨmox uixh chɨtaɨbɨkopɨ, axɨna kauta korobo: “Tusiu ɨmoti Yɨriabux Jesús ñakusanema axɨbama ikokoromati”, namanañaintyo axɨbama iñanuantama nɨrixhti apiñasaño pese pɨnanaki nomɨnantɨ.

2 Timoteo 2:22

Tapɨ aisamute nanaiñantai nixhantɨmoma mayaɨka, apachesio tyone axɨna uixia mapanaunkux, makokonaunkux, makumananaunkux taikianaintyo uxia obi ɨmo makiataka, chepema axɨbama manaunuma aɨbu kicheseña nausasɨxɨma ɨmoti Yɨriabux Jesús.

Hebreos 10:10

Axoñɨ ukunusɨankaka uiti Tupax tyopiki axti Jesucristo isamutenti noñemaxti. Ta ityoximiatati nikɨtɨpɨxti taman niyɨkɨx ɨmo nanaiña naskɨbeka, takana makumanatax nauki amoximiaka nomɨnantɨ osoi.

Hebreos 13:12

Saneityo axti Jesús koiñoti tyɨrɨpo pɨnanaki Jerusalén, nauki tyopiki notoxti, ane maximiakatax uiti Tupax ɨmoma axɨbama aɨtoxti.

Hebreos 2:11

Tyopiki namanaiña kunauntañanti naki Yaɨtoxɨma: namanaiña axɨbama samamekanama takanatityo naki uiche samamekanama. Sane naukiche, naki Aɨtoxti Tupax chɨkɨsobotipɨ nanti ɨmoma ta tyonema yarukityoxti,

SAN JUDAS 1:1

Axɨñɨ Judas, yaserebikia ɨmoti Jesucristo isarukitityo Santiago, nixhakionko ɨmoma axɨbama kuasɨrɨma ɨmoti Tupax, naki Uyaɨ axɨbama samamekanama uiti, axɨbama asaratitɨ Jesucristo tyakuma.

Apocalipsis 19:16

Iku nikɨbuxixhti kɨtɨpɨtyo nityapaxti ane korobo axɨna sane: “Yɨriabux ɨmo mayɨriabuka.”