1 Timóteo 2:1 - Kaxinawá Bíblia (BR)

¹ Eska dukũkiri hatu yusĩkubaĩwẽ. Yurabu betsa betsapabu Deusũ hau hatu merabewakubainũ Deusbe hãtxakĩ hatu yukashũkĩ betsabukiri hatu ea ashũkĩ hãtxakĩ hatukiri Deus kẽwãkubaĩkãwẽ.

Kashinawa : Diosun Jesúswen taexun yuba bena yiniki

¹ Eska dukunkidi jatu yusinkubainwen. Yudabu betsa betsapabu Diosun jau jatu medabewakubainun Diosbe janchakin jatu yukaxunkin betsabukidi jatu ea axunkin janchakin jatukidi Dios kenwankubainkanwen.

1 Timóteo 2:1 Cross References

Esdras 6:10

Mã hatu inãkubaina Deus haska washũkĩ ẽ shanẽ ibuhaira hiweakiri inũ ẽ huni bakebu hiweakiri hau Deus habũ ea yukashũkubainũbũwẽ.

Hechos 17:30

Ũ unu bari betsatiã yura betsa betsapabũ hawa unãbumakẽ Deusũ hatu beruwẽs uĩyukubainiki. Hakia natiã ana haska wama mai hirabi anu hiwebaunabũ hau hatũ xinã betsa watã hakiri hau xinãnũbũ Deusũ hatu yunuikiki.

Romanos 1:8

Ha dukũ matu yuinũ nĩkakãwẽ. Haska wakĩ mã Jesus Cristo ikũwãkĩ pe txibãkubainaibu mae betsa betsapa tibi anushũ matukiri txanimisbuwẽ taeshũ Jesus Cristobe hãtxakĩ matu dasibikiri dayuikĩ ẽ merabenã Deus ẽ kẽwãkubaĩmiski.

Romanos 6:17

Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

1 Coríntios 15:3

Haska dukũ eã unãkĩ tapĩnishũ ẽ matu yusĩtanirã, eskaki, nĩkairakãwẽ. Haska Deusũ hãtxa yuishunikabũ kene tibiwẽ yuini keskai yusĩkĩ: “Nukũ txakabu buanũ ika Messias Cristo mawashanikiki”, inibu haska kenenibu meneni keska nũ matu yusĩkubaĩtaniki.

2 Coríntios 8:6

Haskakẽ pei itxawakĩ Macedônia mai pakea anu itxamisbu anushũ Titõ hatu taewamaima keska wakĩ matu anu kashũri hau matũ merabewati pepa mã itxawaxina hau matu itxawamakĩ pewai kashanũ Tito nũ haska yunuxinaki.

Efésios 3:13

Haskakẽ kakape ẽ yusĩkubaũmiswẽ taeshũ ea bitxiabu matu merabewanũ ika matuwẽ taea nuitapai ẽ bika teneaii. Hakia ekiri xinaĩ punu nukama benima bestikubaĩkãwẽ, ewẽ taeshũ Deusũ matu duawaiwẽ taearã.

Efésios 5:20

Hawara mã haya inũ hawara mã hayama Epa Deusũ dasibi nuku inãmis xinãkĩ yuikĩ: “Haska hamapai xarabu mĩ ea inaĩwẽ taeshũ ẽ mia kẽwaiĩ”, akubaĩkãwẽ, nukũ Shanẽ Ibu Jesus Cristõ kena kuxipawẽ yuikinã.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Filipenses 1:3

Hawẽtxaĩs matukiri xinãkĩ matuwẽ taeshũ ẽ Epa Deus ẽ kẽwãkubaĩmiski.

Filipenses 4:6

Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Timóteo 2:4

Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.

1 Timóteo 5:5

Aĩbu ewa beneyabianibũ Jesus Cristo ikũwaĩ hawenabu hayama Deusũ hau hatu merabewanũ haska manakakĩ bariri inũ mexu merã Deus kẽwãkĩ habe hãtxakĩ hawẽ piti inũ hawẽ mabukiri yukamisbuki.

2 Timóteo 2:24

Nukũ Shanẽ Ibu dayashunikabia nukũ beyawẽ hamakiri hãtxawaĩ detenameai keskai nũ maputirubumaki. Hamẽ nuku ikirã, dasibibube pepairã, dasibibu yusĩti xarairã, dasibibu hawara kaneaibu hawaira hĩ hĩ, iwanã, hatu txakabu wama hiwekũkaĩtiki.

Tito 2:11

Deusũ yurabu mai hirabi anua hawẽ duapawẽ hawẽ pashati Jesus Cristo hatu unãmakĩ bitirubu inũ biturubuma hatu shabakabi tashnimashuniki.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Hebreus 6:11

Haska matu tibitũ xinãkĩ mã akairã, betsabu uĩmakĩ heneama xinã txãkãkĩ hawara pepa mã uĩkatsis ikai heneama menekĩ akubaĩkãwẽ, haska Deus yubakani heneama manakinã.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.