1 Coríntios 13:9 - Kashinawa : Diosun Jesúswen taexun yuba bena yiniki

⁹ Natian Diosun jancha eskadabes tapintan nun unaiin. Jakia Dios janchaxunkin nun yusinbiai mawaida nun kati akin keyuamaki. Jadan, keyuxanikiki.

Kaxinawá Bíblia (BR)

⁹ Natiã Deusũ hãtxa eskarabes tapĩtã nũ unaiĩ. Hakia Deus hãtxashũkĩ nũ yusĩbiai mawaira nũ kati akĩ keyuamaki. Harã, keyushanikiki.

1 Coríntios 13:9 Cross References

Mateus 11:27

Jesúsun jatu yuikin: —En Epan jawen kushipa dasibi ea yununidan, tsuan en jawen bake ea unanbumaki. Jakia en Epan besti ea unan keyuikiki. Jakia tsuan en Epa unanmadiki. Ea jawen baken besti en Epa en unan keyudiaii. Jakia jabun ea chibainbu en Epa en jatu unanmamiski.

Romanos 11:34

Ja inun, jaskadada Diosun shinanmis jawen jancha yuixunikatun kenekin: “Diosun shinanan, tsuan ninkatidumaki. Ja inun, Diosun jadakidida shinanyan tsuan medabewakin xabakabi ana jaska waxun yusintidumaki”,

1 Coríntios 13:10

Jaskaken Jesús jabi ma juken dasibi januxun ana juneamaken jakidi tapinkin nun unankin keyuxanaii.

1 Coríntios 13:12

Jaska inun, ja mane chaxa beisiti keskawen uinkin nukun yuda pe bexmas nun uinmiski. Jabiaskadi Diosun shinan pexeishta nun unanmisken Jesús ana juaya jaska Diosun en juinti unanmiswen eadi Diosbe beisinandabekin en unan bexmas wamis en unan keyuxanaii.

1 Coríntios 2:9

Jaskakidi Diosun jancha yuixunika Isaíasin Diosunabu kenexunkin: “Jawada tsuan uinsma inun, jawada tsuan ninkaisma inun, jawada tsuan shinantiduma bebunkidi jabu Diosun bechipaikin ma jatu pewaxuniki”, aniki.

1 Coríntios 8:2

Tsuanda jaska tibi aki: “En unan keyuaii”, man ibiaidan, jaskai unanepati kayabi man unan keyudiamaki.

Efésios 3:8

Jamen en ikaidan, Cristo chibainbu medanua en bexmasjaida jawamabiaken jaskadaki watan Diosun ea benimawakin duawakin jau jawen bake Cristokidi jawen pepa betsa betsapa jayawen nuku pejaida mekekubaintidu matu judiobumaki en chanikunkainxanun ea katutan nichiniki.

1 João 3:2

En betsabu inun en puibuun, en matuwen nuiaidan, nun ma Diosun bakebuki. Chipu jaskadada nun ixanai natian nun unandiabumaki. Jakia nukun Xanen Ibu Jesucristo ana nukuki nukuaitian janu jabe ja keskadi ikin janu jaskadada nuku wai nun uinxanaii.