Mark 10:1 - l'taamitsinikssin Mark manistaitsinikatoohpiayi 1972

¹ Oma̱ Jesus itoma̱tapitapo̱owa omi̱ Judea, ki ota̱i'to'toohsiihki iitopa̱maatooma omi̱hka niyi̱tahtayihka Jordan. Otsi̱to'toohpistsi, a̱i̱ssksitaohkano'ta̱atawa, ki a̱i̱ssksaissksinima̱atstohkiwa.

Mark 10:1 Cross References

Mark 4:2

Iika̱kawoyi otssksinima̱atsaahpiaiksi ki o̱tsskskanistahpiaiksi.

Mark 6:34

Oma̱ Jesus ota̱o'toohsi ki ota̱i̱nnisa̱atoohsi omi̱ a̱a̱hkioohsa'tsis itsino̱yiiwa amo̱i̱ o̱tapiy'ssin ota̱yoohko̱yissi. Iitsiki̱mmatahsinatsiiwa amo̱i̱ o̱tapiy'ssin; sta̱manistsimmiiwaiks a̱nni i̱mahkihkinai ka̱taohkootoi'tsikataayi. Itoma̱tapssksinima̱atsiiwaiks a̱mo kana̱o̱mia'nistaa'piyi, maka̱moo'tsiistsi.

Mark 6:6

Jesus oso̱tamayamistotookaiks; niitsiksi̱m'staawa ma̱hkoohkaai'naka̱o̱mai'toyis o̱tapiy'ssini. Ki a̱nnimayi itohka̱nawaahtowa̱atoma oma̱ Jesusa o̱mistsk aka̱i̱tapisskoyistsk ito̱'tsstsiistska, ki itssksi̱nimaatsii mata̱piiksi.

Mark 2:13

Ki oma̱ Jesus itsski̱tapsso̱owa omi̱ o̱mahksikimi Galilee. Ki omo̱i o̱tapiy'ssini sotamitohtoa̱akkaiksi; sotamita̱o̱kakiaanistsiiwaiks.

Mark 1:21

Itohka̱nitao'tooyiaw omi̱ tsiso̱o̱htsi niitsi̱nihkato'pihka ‘Capernaum.’ Ki anni̱ mattato̱'ssiko̱piiksistsikoyi, oma̱ Jesus itsita̱poowa omi̱m otsi̱tawaatowomowoohpiaiks itoma̱tapssksinimaatstohkiwa.

Mark 6:2

Anni̱ mattssiko̱piiksistsikoyi itawa̱toy'ssksinimaatstohki̱i̱wa o̱mi otsi̱taohkanomowoohpoaawai. Ki omi̱i̱ksi mata̱piiks otsiiksi̱pisatsimmokaiksi. Itani̱i̱yiaw, “Ma̱'mayaokaki̱i̱'poyiwa? Tsa̱hta a̱hkanistaohko̱ttanisttotsi̱mohtaots a̱mostska piisa̱ta'pistska?

Mark 10:2

Anni̱i̱ksayi Pharisees otsi̱to'ta̱akka. Otsi̱tanikkaiksi, “Ka̱ta'ohko̱yikiiwa oma̱ ni̱naawa ma̱hkayakiita̱attsiimahsi otohki̱i̱mani?”

Mark 12:35

Ki a̱mo mattsiksi̱stsikoyi, Jesus ito'taissksinimaatstohkiwa omi̱ ita̱waatsimoyihkao'pi. A̱a̱niiwa, “Omi̱i̱kska a̱i̱ssksinima̱atstohkatoomikska atsi̱moyihkaokakihtsimaanistsi iitsiksi̱m'staayawa a̱hksi̱kaiksista̱akohtoomiawa omi̱ Messiah iihtsi̱stapaahkoyipaitapiyi anni̱i̱sk David.

Mark 14:49

Kana̱i̱ksistsikoistsi nitsi̱taissksinima̱atstohki omi̱m kitsi̱taomowoohpoaawayima; tsa̱ anista̱pa'pi̱wa komohtsawa̱yinnokihpoaayi? Kii i̱i̱kaatssi̱naihpa nato̱y'ssi̱naakssiistsi a̱nni ota̱akanistsissi.”