John 8:42 - Annaahk John Manistsitsinikatahpi Jesus Manistsipaitapiihpiai 1979

⁴² Jesus sota̱maniiwa, “Kita̱o̱nimmawawahtopi A̱ʼpistotookiwa kita̱kakomimmokihpoaawa. A̱ʼpistotookiwa a̱nnahkaoʼka no̱mohtoʼtoo. Ki a̱nnohkai a̱nnoma tsi̱taʼpaitapiiyi. Nima̱tawattsitoʼtoohpa. Osto̱yi nito̱ʼtsskooka.

John 8:42 Cross References

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 17:25

A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.

John 1:14

O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 5:43

Niisto̱wa no̱mohtoʼtoowa na̱a̱hkitaʼpoʼtomoahsii Ni̱nna A̱ʼpistotookiwa. Kii ki̱tsstsimimmokihpoaawa. Ikkami̱tsstsiihki kayi̱sstaʼpitawaanii A̱ʼpistotooki otsipo̱o̱hsapsskoyissi kita̱kitsiksimatomaiʼtoawaawa.

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.

John 5:23

Osto̱yi ni̱tohkokka na̱a̱hkomatskahtoohsi manipa̱i̱tapiʼssini ki na̱a̱hkokakihtsimatahsi mata̱piiwa, kiisto̱aawa ka̱a̱hkohtainaaimmokihpoaawa. Ni̱nna kita̱waanikkoaawa ka̱a̱hkainaimmokssoaayi oosto̱yi a̱nni kanista̱i̱naaimmahpoaawayi. Takaa ni̱tohkoyimmoka. Ikka̱msawa̱i̱naimmokiinoainiki niʼto̱yi a̱kanistsiwa ka̱a̱hksawainaimmoawaawa annaahka ni̱nnahka, takaa osto̱i̱ nitsi̱tapipoʼtooka anno̱o.

John 8:14

O̱tsska̱nikkoaayaawayi, “Niisto̱wa imaksi̱ʼpoataomoohsiiniki nita̱kohkottomaiʼtookoowa nita̱a̱niihpi, takaa niisto̱wa ni̱tssksiniihpa no̱mohtoʼtoohpi kii nita̱kitapoohpi. Kiisto̱aawa kima̱tssksiniʼpoaawa no̱mohtoʼtoohpi ki nita̱akitapoohpi.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 16:30

Ki a̱nnohkayii ni̱tssksiniihpinnaan kiisto̱wa kitsi̱ʼtsinissksiniʼpa. Oma̱a iika̱msstaasi mata̱piiwa ma̱a̱hkohkoissksinimaahsi kima̱takstsinaisopoahtsiiʼsakka. Kiisto̱wa kita̱ksotamikakanistawa otsitsi̱i̱htatoohpi ma̱a̱hkssksinissi. Ki a̱a̱mohkayii no̱mohtaomaiʼtsiihpinnaan ko̱mohtoʼtoohsi A̱ʼpistotookiwa.”