John 8:19 - Annaahk John Manistsitsinikatahpi Jesus Manistsipaitapiihpiai 1979

¹⁹ Ki omi̱i̱ksi sota̱manistsiiyaawa Jesus, “Ki anna̱ annaahka ki̱nna?” Itani̱stsiiwaiksi, “Kiisto̱waawa kima̱tssksinookihpoaawa ki kima̱tssksinoaawaawa ni̱nna. Kitssksino̱o̱kihpoaawahtopi, kita̱koohkattssksinoawaawa ni̱nna.”

John 8:19 Cross References

John 16:3

A̱nni a̱kohtanistaʼpaissiiyaawa otsawa̱i̱ssksinoahsaawa ni̱nni ki niisto̱yi.

John 7:28

O̱ki. A̱nniai Jesus sota̱mitsipiima omii o̱mahkitawaatsi̱moihkaaoʼpi. A̱i̱sohkssitsipssatsiiwa omi̱i̱ksi ota̱i̱ssksinima̱atsaaiksi manista̱ksokaʼpoohto̱yihpiaiksi. A̱a̱niiwa, “Oki. Kanistsi̱ksimsstaahpoaawa, ka̱a̱hkssksinookihpoaawa kii no̱mohtoʼtoohpii. Kitsi̱pahtsiiksimsstaahpoaawa. Kita̱o̱kamoʼtanistohpoaawa iitsstsi̱i̱hpa nitsipo̱o̱hsapsskooki. A̱nnahkayi no̱mohtoʼtoo. Nima̱ta̱wattaistoohpa. Osto̱yi nitsipo̱o̱hsapsskooka. Ki kiisto̱aawa kima̱tssksinoaawaawaatsiksi.

John 1:10

osto̱yi ito̱ʼtoowa anno̱o ksa̱a̱hkomma. Ki anno̱ksi istsitapi̱i̱ksi anno̱o ksa̱a̱hkomma ma̱tssksinoyiiwaiksaawayi ki̱i̱wa osto̱yi a̱nnayii o̱mohtsistapitaisstsiihpi ksa̱ahkommi.

John 17:3

Omi̱i̱ksi niita̱ʼpssksinookiksi, a̱nniksaoʼki a̱kaissksipaitapiiyaawa. Omi̱i̱ksi ki̱niitaʼpsskinookiiksi kiisto̱ahkaoʼka niʼtsita̱piiwahka nita̱ʼpanistapssiwahka A̱ʼpistotooki, omi̱i̱ksi ni̱niitapsskinookiksi niisto̱ahkaoʼk annaahk Jesus Christ, annaahka kitoʼtsskoaawahka, a̱nniksaoʼki a̱kaisskipaitapiiyaawa.

John 15:21

Ma̱tssksinoyiiyaawa anniska nito̱ʼtsskookiska, A̱ʼpistotookiiyiska. Ki a̱nnihkayii ko̱mohtakanisttotookoaayaawa a̱a̱mostska kana̱o̱kaʼpistska. Kita̱kohtanisttotookoayaawaistsi niisto̱yi kitoma̱i̱ʼtookssoaayi.

John 1:18

Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.