John 6:53 - Annaahk John Manistsitsinikatahpi Jesus Manistsipaitapiihpiai 1979

⁵³ Kii a̱nnihkayii Jesus iihtani̱stsiiwaiksi, “Kitakaokamoʼtanistohpoaawa. Niisto̱wakaoʼka annaahka Mata̱piiwahka. Saohtso̱yiinoaainiki noosto̱mi, kii nitsa̱a̱pani saohtssi̱miinoainiki kima̱tsiitaʼpipaitapiyihpoaawa.

John 6:53 Cross References

John 6:55

Nitsi̱i̱manistoohpa amoohka nita̱waanistoʼpihka nosto̱mi aa̱wahsini kii nitsa̱a̱pani anista̱piwa a̱a̱hkohtaisimioʼsi.

John 15:4

O̱ki. Omiiya saoʼka̱niksi, manistsi̱poʼtsstsiihpi ami̱i mistsi̱si, niʼto̱i̱ kita̱ksstsinaaʼnistsakiohpipaitapiiyihpoaawa niisto̱wa. Ki nita̱ksaakiohpipaitapii kiisto̱aawa. Omi̱i̱ya saoʼka̱niksi ikka̱msawattsitsipoʼtsstsisi omiia miistsi̱si a̱kitsawatta̱yiinaʼsiwa. Kii niʼto̱i̱ niitsiiwa: kiisto̱aawa ikka̱msawattohpipaitapiiyinoainiki niisto̱wa, kipa̱i̱tapiʼssoawaistsi ma̱takattohpanioʼpa.

John 6:47

O̱ki. Kita̱kanistohpoaawa niitsi̱i̱yi. Iihkana̱o̱maiʼtakiiksi a̱kaiksistohkotayaawa amoohka a̱i̱ssksipaitapiiʼssinihka.

John 3:3

Jesus itani̱stsiiwa̱yi, “O̱ki. Kita̱kanisto niitsi̱i̱yi. Sawa̱ttsistaiʼpokayiinoainiki kima̱takohkottsitsinsspoaawa anniiksi A̱ʼpistotookiwa otsi̱tsinayihpiksi mata̱piiksi.”

John 3:36

Kana̱o̱maiʼtoyiiksi ohko̱yi a̱kaohkota̱yaawa a̱i̱sksipaitapiʼssini. Ki omi̱i̱ksi ka̱taaʼnistaiʼtoyiiksi ohko̱yi ma̱tohkotawaiksi amoohka niipa̱i̱tapiʼssinihka. A̱ʼpistotookiwa i̱i̱kaohtokakihtsimatsiiwaiksi opahtsa̱ʼpssoaawaistsi.

John 3:5

Oma̱a̱ Jesus itsipo̱ʼtanistsiiwayi, “Kita̱kanisto niitsi̱i̱yi. Sawa̱ttohtsistaiʼpokaayinoainiki aohki̱i̱ ki Natowo̱ttaki kima̱takohkottsitsinsspoaawa A̱ʼpistotookiwa anni̱i̱ksi otsi̱tsinayihpiksi.

John 13:8

Peter itani̱i̱wa “Ki kima̱tako̱noaissiikaawaatsimokihpa.” Jesus itani̱i̱wa, “Ikka̱msaissiikaawaatsimoiniki, kima̱tamihpa amo̱ksiska iihta̱i̱sapooyikska niisto̱i̱.”

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 6:62

O̱ki, tsa̱ kita̱kanistsiʼtakihpoaawa ikkami̱nookiinoainiki aiʼsskita̱psspomma̱oyiniki omiima no̱mohtoʼtoohpi. Niisto̱akaoʼka annaahka Mata̱piiwahka.