John 6:44 - Annaahk John Manistsitsinikatahpi Jesus Manistsipaitapiihpiai 1979

⁴⁴ Kima̱takohkottomaiʼtookihpoaawa ikka̱msawanistaiksimstattsiinoainiki ni̱nna ka̱a̱hkomaiʼtakssoaayi. Ki omi̱i̱ksi ta̱o̱maiʼtookiksi nita̱kssksipoa̱aa̱ttsaayaawa aa̱oʼtsstsiisi sako̱o̱yiksistsikoyi.

John 6:44 Cross References

John 6:65

Kii Jesus ma̱ttanistsiiwa omi̱i̱ksi mata̱piiksi, “Ki a̱nnihkayii ka̱mohtanistohpoaawa, ikka̱msawanistaiksimsstattsootsiinoainiki anna̱a̱hka ni̱nnahka kima̱takohkottomaiʼtookihpoaawa.”

John 12:32

Ki niisto̱wa nita̱kohtsspipoʼtookoo ksa̱a̱hkommi, ki a̱nnihkayi nanista̱komaiʼtakiattsaahpi a̱yaakomaiʼtakiiksi.”

John 6:45

O̱o̱miksika issko̱o̱htsiksika a̱waatoyiʼpoyiiksika, na̱i̱kayissi̱i̱napsskakiiyaawa A̱ʼpistotookiwa kita̱kohkanaissksinima̱atsi̱yissoaayi. Ikkama̱yisstsiyinoainiki, ikka̱mssksiniminoaainiki otssksinima̱atstohkssini ki ta̱ki̱naiʼtomatapomaiʼtookihpoaawa.

John 5:44

Kika̱a̱ksstaahpoaawa ka̱a̱hksokimmi̱yissoaayi mata̱piiwa. Ki a̱nnihkayi ko̱mohtsaohkottomaiʼtakihpoaawa. Kita̱kohkottaʼpaisskiihpoaawa ka̱a̱hksokimmi̱yissoaayi annaahka A̱ʼpistotookiwahka ka̱kiʼtsitsstsiiwahka.

John 8:43

Kita̱kanistohpoaawa ko̱mohtsaotsistapiʼtsiihpoaayi nita̱a̱niihpistsi. Ko̱mohtsaotsistapiʼtsiihpoaayaawa ki̱tsaohkottonissoayi tanista̱pawaaniihpi.

John 6:43

Jesus itani̱stsiiwaiksi “Pina̱ttsataiʼpoyika.