John 5:40 - Annaahk John Manistsitsinikatahpi Jesus Manistsipaitapiihpiai 1979

⁴⁰ Ki kimi̱ssksawaisstaahpoaawa ka̱a̱hkomaiʼtookssoaawayi ka̱a̱hkohtohkotohsoayi amoohka manipa̱i̱tapiiʼssinihka, amoohkkita̱yiikaʼkimatoohpoayihka.

John 5:40 Cross References

John 3:19

Mata̱piiwa iihtoka̱kihtsimatawa o̱tsstsimimmahsaawa anniska o̱tohkokkoaawayiska ma̱a̱hkitaʼpawaawahkaahsi ksistsiko̱i̱nattsii. Osto̱yi itsito̱ʼtoowa anno̱o ksa̱a̱hkomma. Ki mata̱piwa a̱yaahsitsskia̱aʼpaissiwa. Ma̱tayaahsiʼtsimaiksaawa ksistsiko̱i̱nattsi takaa ota̱waanisttsiihpoaawaistsi iiko̱kaʼpiiyaawa. Ki a̱nnihkayi iihtoka̱kihtsimatayaawa.

John 1:11

Itsito̱ʼtoowa otsi̱tsitapiihpi ki ota̱wattsitapiimiksi, amiiksi Jews, otsi̱tsstsimimmokaiksi.

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 6:40

Takaa niitsitsi̱i̱htaawa ni̱nna A̱ʼpistotookiwa ami̱i̱ksiska ta̱o̱nookiiksi ta̱mssi anniska ohko̱yi ikkamo̱maiʼtootsiinikiaawa a̱kitoʼtsimiaawa a̱i̱ssksipaitapiiʼssini. Ki nita̱kohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoyi.”

John 6:27

Ko̱mohtaiyikaʼkimaahpoaawa ka̱a̱hkattohko̱yissoaayi. Anni̱i̱hka aa̱oahsinihka amohka kita̱i̱ksimsstatoohpoaayihka ma̱taksisamaisstsiiwaatsi. Ki itsstsi̱i̱hpa a̱ka̱i̱ssksitaisstsiʼpa. Itoto̱i̱sapiwa a̱nni aa̱owahsi. A̱kohtoʼtaissksipaitapiioʼpa. A̱nnihkayi kita̱kohkottohtsiiyikaʼkimaahpoaawa. Ni̱i̱stoakaoʼka annaahka Mata̱piiwahka. Kita̱kohkottohkotohpoaawa amoohka a̱kohtoʼtaissksipaitapiioʼpihka. Ki ni̱nna A̱ʼpistotookiwa kika̱waistamatsookoaawa nita̱ʼpaoʼtomoahsi.”

John 5:44

Kika̱a̱ksstaahpoaawa ka̱a̱hksokimmi̱yissoaayi mata̱piiwa. Ki a̱nnihkayi ko̱mohtsaohkottomaiʼtakihpoaawa. Kita̱kohkottaʼpaisskiihpoaawa ka̱a̱hksokimmi̱yissoaayi annaahka A̱ʼpistotookiwahka ka̱kiʼtsitsstsiiwahka.

John 5:39

Ki̱niitaʼpiyikokakio̱paatoohpoaawa omiistsi nato̱i̱si̱naakssiistsi. Kanistsi̱ksimsstaahpoaawa kita̱kohtohkooʼtsiihpoaawa a̱i̱ssksipaitapiiʼssini. Ami̱i̱stsi nato̱isi̱naakssistsi iihta̱o̱kamoʼtsiʼpoyiiyaa niisto̱yi.

John 5:41

A̱a̱mohka nima̱a̱tohtanistoohpa ka̱a̱hkohtsitsspimmokssoaayi.

John 10:10

Oma̱a saa̱o̱mmiitsitapiiwa, ka̱kohtoʼtoowa ma̱a̱hksikamoʼssi, ma̱a̱hkohkoiʼnikkssi, ki ma̱a̱hko̱noksistotoahsii omi̱i̱kska i̱i̱mahkihkinaaikska. Niisto̱wa no̱mohtoʼtoowa ma̱a̱hkohtaipaitapiiʼssaawa nito̱mahkihkinaamiksi, ma̱a̱hkohtstonnatsiʼtaamipaitapiiʼssaawa.