John 4:3 - Annaahk John Manistsitsinikatahpi Jesus Manistsipaitapiihpiai 1979

³ O̱ki. Kitsi̱naaiminnoona a̱i̱ʼssksinoyiiwa omiiksi Pharisees mani̱stohtsima̱yihpiaiksi. Ki a̱nniayii itsi̱stapaatooma omii Judea.

John 4:3 Cross References

John 11:54

Ki a̱nnihkayii Jesus ma̱tattsitaʼpawaawahkaawaatsi otsi̱takaitapisskohpi amiim otsi̱taʼpaitapiihpi Judea. Sota̱msaoʼkiaʼpawaawahkaawa. O̱o̱mi itapo̱owa o̱o̱mi aka̱i̱tapisskoi, Ephraim. A̱nnimaoʼka otsi̱tomatapsstsiihpi isspahko̱i̱stsi. Sota̱mitohpokaʼpaissiimiiwa oma̱nikapiimiksi.

John 10:40

O̱ki. A̱nnika Jesus ma̱ttsiistapoowa. Ma̱ttsskitapopama̱atooma omiihka niyi̱tahtaayihka Jordan. A̱nnimayii oma̱ahka Johnahka itsi̱stsitsawaatoaʼpistotakiwa mata̱pii. Ki a̱nnimayi itsita̱ʼpaitapiiwa Jesus.

John 3:22

O̱ki. Ki a̱nnika po̱o̱hsapoohtsika Jesus kii omi̱i̱ksi oma̱nikapiimiksi itsi̱i̱stapaatomiaawa Jerusalem. Sa̱kiitsitsipstaʼpawaawahkaayaawa omi̱i ksa̱a̱hkoyi Judea. A̱nnimayii Jesus itohpo̱kaʼpaissiimiiwa oma̱nikapiimiksi ki iihtsita̱watoaʼpistotakiwa aohki̱i̱yi.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 1:43

O̱ki. A̱nnia mattsiksi̱stsikoi Jesus itani̱stsitsiihtaawa ma̱a̱hkitapoohsi Galilee. Itohko̱o̱noyiiwa anniska Philipisk. Itani̱stsiiwayi, “Oki̱h. Po̱ʼkiioot.”

John 3:32

Iihtsi̱ʼpoyiiwa otsini̱ʼpistsi kii oto̱o̱htsiihpiistsi. Kii iko̱nnatsitapiiyi otsi̱i̱imaiʼtookiiksi.

John 4:47

Ki Osto̱yi itohtsi̱matsiiwa omi̱i Jesus o̱mohtoʼtsitapoohsai omii Judea omii Galilee. Kii itsita̱poowayi. Itani̱stsi iwa̱yi ikka̱mohpoʼkiitapoosayi ma̱a̱hkohkottotoahsayi ohko̱yi. Imata̱i̱ʼniyinayi.

John 7:1

O̱ki ki a̱nnika oma̱a Jesus ita̱ʼpawaawahkaawa omiim Galilee. Ma̱taahsiʼtakiwa ma̱a̱hkitaʼpaissii omiim Judea takaa omi̱i̱ksi isto̱ʼtotamaʼpssiiksi Jews iiksi̱i̱kaʼkimaayaiksi ma̱a̱hksiʼni̱yissaiksi.